/img/tv1.svg
RU KZ
"Астана" жастар командасын таратты

"Астана" жастар командасын таратты

«Астана-Жас» командасының Бірінші Лига клубтары арасындағы ҚР Біріншілігіне қатыспайтынына байланысты, команданың алты ойыншысы екінші лига командасының құрамына қосылды. 

01:38 23 Маусым 2020 858

"Астана" жастар командасын таратты

Автор:

Ермұхамед Мәулен

Жаңа маусымда «Астана-М» намысын төмендегі ойыншылар қорғайды: қорғаушылар: Самат Мажит (2000 ж), Әлім Қайырлы (2000), Санжар Шураханов (2001), Рахат Маратов (2001), Бауыржан Ахаев (2001), жартылай қорғаушы Мейрамбек Қалмырза (2002). Барлығы да футбол орталығының тәрбиеленушілері.

Сондай-ақ «Астана-Жас» командасының екі ойыншысы, жартылай қорғаушы Мәди Жақыпбаев пен шабуылшы Станислав Басманов негізгі құраммен бірге маусымға дайындалуда.
Команда сапында маусымға дайындалған басқа футболшылар қажетті ойын тәжірибесін иелену үшін Бірінші және Екінші Лига клубтарына жалға беріліп, одан соң елорда командасы құрамына қайта оралатын болады.
Тек 17 жастағы қақпашы Станислав Курян ғана футбол орталығына ауысып, сол жақта дайындығын жалғастырады.
Клуб футболшыларды сақтап қалу үшін қолдан келгеннің барлығын жасап, бірқатар ойыншыларды маусым соңына дейін басқа клубтарға жалға берді.
Клуб өз футболшыларын бағалайды, сондықтан бұл қиын жағдайдан өзі үшін де, ойыншылар үшін де аз шығынмен шығуға тырысты.
Клуб Бірінші Лиганың футболшылары мен маусым басында жалға кеткен жас ойыншылардың (Прокопенко «Ақтөбе», Каримов, Сагнаев (екеуі де– «Каспий», Қайыркенов, Скворцов (екеуі де – «Атырау») барлығы негізгі құрамда бәсекелестік жасай алатын мықты, әрі қабілетті ойыншылар болып оралатынына сенім білдіреді.
Айта кетейік, «Астана-М» командасы толықтай футбол орталығының тәрбиеленушілерінен жасақталған. Клубтың футбол орталығында 10-18 жас аралығындағы 350-ден астам ұл мен қыз тегін тәлім алады.

Ермұхамед Мәулен

"Жетісу" үшінші орынға шықты

Талдықорғандық команда "Тараздан" басым түсті. Ойында екі пенальти белгіленді. 

19 Қыркүйек 2020 18:47 174

Қазақстан чемпионатының 9-тур ойындары кеше басталды. Алғашқы матчта "Оқжетпес" пен "Каспий" тең түсті. Ойын есебі 2-2. Кеше өткен матчта "Каспий" екі мәрте пенальти орындады. Ал бүгін жалғасқан 9-тур ойынында да 2 пенальти белгіленді. Матчтың 14-минутында Педро Эуженио қақпашы Джурахон Бабахановпен қақтығысты. Бейнеқайталаудан анықтап қарағанда шабуылшы мен қақпашы айып алаңының сыртында қақтығысқа. Демек, төреші Мұрат Есмұратов 11 метрлік айып добын белгілеуі қате болған деген сөз.

Ал одан кейін "Тараз" ойыншысы Тони Сильва өз айып алаңының ішінде қолмен ойнап қойды. Соның себебінен екінші пенальти белгіленді. Албаниялық ойыншы Доньет Шкодра еш ойланбастан гол салды. "Жетісу" осы матчта еншілеген 3 ұпайының арқасында турнирлік кестенің 3 сатысына көтерілді. 

«Тараз» – «Жетісу» – 0:2

Голдар: Педро Эуженио 14 (пенальти), Доньет Шкодра 40 (пенальти)

Ескертулер: Бауыржан Тұрысбек 36, Әлішер Сүлей 38, Аюб Бацуев 79, Братислав Пуношевац 85 – Доньет Шкодра 26, Олжас Керімжанов 34

«Тараз»: Джурахон Бабаханов (В) – Мақсат Әмірханов (К), Валерий Каршакевич, ​Берік Айтбаев, Деян Больевич (Бекзат Шадманов 68) – Овидиус Вербицкас (Аюб Бацуев 76), ​Йован Чадженович, Горан Бркич (Бауыржан Байтана 68), Тони Сильва, Әлішер Сүлей – Бауыржан Тұрысбек (Братислав Пуношевац 46);

Резерв: Мұхаммеджан Сейсен (В), Алмаз Хамытбеков (В) – Михаил Мищенко, Дмитрий Евстигнеев – ​Гаврил Кан, Дінмұхамед Қараман, Алмас Сапарғалиев – Абылайхан Жұмабек;

Бас бапкер: Владимир Никитенко.

«Жетісу»: Андрей Шабанов (В) – Андрей Залеский, ​Мейрам Сапанов, Олжас Керімжанов, Никита Наумов (К), Стефан Живкович (Ермек Қуантаев 81) – Доньет Шкодра (Артурас Жулпа 82), Ненад Адамович, Еркебулан Сейдахмет (Дэвид Мавутор 58), Педро Эуженио – Мартин Тошев;

Резерв: Алмат Бекбаев (В) – ​Ескендир Қыбырай, Андрей Лебедев – Альмир Мухутдинов, Аслан Дарабаев, Вадим Побудей – Айбар Жақсылықов, Егор Зубович;

Бас бапкер: Дмитрий Огай.

Шабуылы шебер, қорғанысы осал ұжымдар анықталды

8 турдан кейін көптеген командалардың шынайы деңгейі көріне бастады. 

13 Қыркүйек 2020 00:33 603

8-турда 11 гол салынды. 4 голды қазақстандық ойыншылар салса, қалған 7 голды легионерлер салыпты. «Қайрат» Қазақстан чемпионатында ең көп гол салған ұжым. Алматылық команда 8 ойында 21 рет қарсылас қақпасын дәл көздеген. Ал ең аз гол жіберген команда – «Қайсар».

«Астана» командасының жартылай қорғаушысы Рунар-Мар Сигурьонссон 8-турда дубль авторы атанып, үздік сұрмергендер тізімінде көш бастады. Исландиялық ойыншы 5 гол салыпты. Ал оның ізін қуып келе жатқандар: Абат Айымбетов, Азат Нұрғалиев, Жоау Паулу. Аталған футболшылар 4 голдан салыпты.

Соңғы 5 тур бойы алматылық «Қайрат» ойнаған матчында кем дегенде 2 гол салып келеді. Алайда, команданың қорғанысында да мәселе бар. 32 жасар Шпилевскийдің командасы соңғы үш ойын қатарынан гол жіберіп келеді. Еліміздің 6 дүркін чемпионы «Астана» «Қайраттың» нәтижесін қайталап келеді. Олар да үш ойын қатарынан гол өткізіп алған.

«Тараз» осы турда да 1-1 тең түсіп, Премьер-лигадағы ең ымырашыл командаға айналып отыр. Жамбылдықтар осымен 4 рет тең түсіп, өзгелерден озып тұр. Әулиеаталықтар осымен үшінші рет 1:1 ойнап отыр. Айтпақшы, «Тараз» осы маусымда тек бір ғана матчта гол салмаған. Әйтпесе өткізген ойынының барлығында міндетті түрде қарсылас қақпасынан саңлау табады екен. Әлбетте ондай командалар елімізде көп, алайда турнирлік кестенің 9-сатысында жүрген команданың көшбасшылармен бірдей мәлімет тіркеуі қызығушылық тудырады.

Айтпақшы, биылғы чемпионатта небәрі 3 қана гол салған «Каспий» сапында 3 голды да легионер салған. Жергілікті футболшылар әзірге көзге түсе алар емес. Ал көкшетаулық «Оқжетпес» әр матчта міндетті түрде қақпасына гол жіберіп алады екен. Андрей Карповичтің командасы ішкі чемпионатта ең көп гол (21) жіберген ұжым.  

Қазақстан чемпионатының келесі, 9-тур ойындары 18-2 қыркүйек аралығында өтеді.

18 қыркүйек

«Оқжетпес» - «Каспий»

19 қыркүйек

«Тараз» - «Жетісу»

20 қыркүйек

«Астана» - «Шахтер»

«Қайсар» - «Ордабасы»

«Қызылжар» - «Қайрат»

Ермұхамед Мәулен