"Астананың" "Динамо-Брестке" қарсы ойнайтын футболшылар құрамы белгілі болды

1577

Бүгін "Астана" Чемпиондар лигасының іріктеу кезеңінің алғашқы кездесуін өткізу үшін жаттығу жұмыстарын бастады.  

"Астананың" "Динамо-Брестке" қарсы ойнайтын футболшылар құрамы белгілі болды

Кеше елордалық "Астана" футбол клубы чартерлік рейспен Белоруссияның Брест қаласына "Динамо-Брест" командасына қарсы Чемпиондар лигасының іріктеу кезеңінің алғашқы кездесуін өткізу үшін аттанған болатын. Кездесу 18-тамыздан 19-тамызға қараған түні Нұр-Сұлтан уақытымен 00:00-де басталады.

Белоруссияға "Астана" келесі ойыншылар құрамымен аттанды:

ҚақпашыларНенад Эрич, Дмитрий Непогодов, Станислав Павлов;

Қорғаушылар: Антонио Рукавина, Урош Радакович, Дмитрий Шомко, Абзал Бейсебеков, Лука Шимунович, Юрий Логвиненко, Жарко Томашевич, Евгений Постников;

Жартылай қорғаушылар: Макс Эбонг, Рунар Мар Сигурьонссон, Марин Томасов, Иван Маевский, Юрий Перцух, Мәди Жақыпбаев, Сұлтан Сагынаев, Дидар Жалмұхан;

Шабуылшылар: Дорин Ротариу, Тигран Барсегян, Пиерос Сотириу, Станислав Басманов, Алексей Щеткин, Рамазан Каримов.

Естеріңізге сала кетсек, 2020-2021 жылғы Чемпиондар Лигасына іріктеудің алғашқы айналымына жеребе тарту рәсімі 9-тамыз Швейцарияның Ньон қаласында өтті. Елорданың футбол командасына Чемпиондар Лигасы алғашқы іріктеу кезеңінде қарсылас атануы мүмкін 4 команда "Динамо" (Брест, Беларусь), "Рига" (Латвия), "Тирана" (Албания) және "Силекс" (Солтүстік Македония) түскен болатын. Нәтижесінде Михал Билектің шәкірттері Брест қаласында "Динамоға" қарсы ойнайтын болды.

Ермұхамед Мәулен

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу