Ең жеңіл салмақта өнер көрсететін қазақстандық спортшы (23-3) америкалық Ultimate Fighting Championship ұйымының жаңартылған рейтингінде 2 сатыға жоғарылап, 9-орыннан 7-орынға көтерілді. Ол бұл орында әзербайжандық файтер Амир Альбазимен қатар тұр.
Рейтинг 8 наурыз күні АҚШ-тың Невада штатындағы Лас-Вегас қаласында өткен UFC 326 турнирінен кейін жаңартылды. Турнир қорытындысы бойынша лига барлық салмақ дәрежелері бойынша үздік 15 спортшының рейтингін қайта жариялады.
Қазіргі уақытта Асу Алмабаев – UFC рейтингінде тұрған Қазақстанның жалғыз өкілі.
Қазақстандық спортшы соңғы жекпе-жегін 2025 жылдың 2 қарашасында Қатардың Доха қаласында өткізген. Сол кездесуде ол америкалық файтер Алекс Пересті 3-ші раундта мерзімінен бұрын жеңген еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
