Спорт

Асылхан Көшербай жастар арасындағы әлем чемпионатында күміс жүлдеге ие болды

03.11.24, 17:29 349

АҚШ-тың Пуэбло қаласында өтіп жатқан U19 жасқа дейінгі жастар арасындағы әлем чемпионатында қазақстандық боксшы Асылхан Көшербай аустралиялық Купер Макконалмен алтын жүлдені сарапқа салды, деп хабарлайды inbusiness.kz сайты.

Асылхан Көшербай жастар арасындағы әлем чемпионатында күміс жүлдеге ие болды

Фото: boxingkazakhstan

Тартысқа толы кездесуде отандасымыз қарсыласынан бір бас жоғары болды.

Ол аустралиялық боксшыны нокдаунға түсіріп, жекпе-жекте кімнің үздік екенін көрсетіп баққан. Алайда, төрешілер күмәнді шешім қабылдап, 2:3 есебімен жеңісті Купер Макконалға берді.

Осылайша, қазақстандық спортшы әлем чемпионатының күміс жүлдесін қанағат тұтты.