Василий Ломаченко орта салмақта IBF және WBO нұсқалары бойынша әлем чемпионы, қазақстандық Жәнібек Әлімханұлымен бірлескен жаттығуға қатысты.
Әлімханұлы (17-0, 12 KO) жақын арада рингке шығуға қызу дайындық үстінде. Ол 6 желтоқсанда WBA белбеуінің иегері, кубалық Эрисланди Ларамен (31-3-3, 19 KO) жекпе-жек өткізеді. Бұл кездесуде әлем чемпионының үш белбеуі сарапқа салынады.
Айта кетейік, жеңіл салмақта украиналық боксшы WBA, WBO және The Ring журналдары нұсқалары бойынша чемпиондық белбеулерді (2018-2020) біріктіріп, 2019 жылы оларға WBC белбеуін қосты.
2024-2025 жылдары IBF және IBO титулдарын жеңіп алды. Ал, осы жылдың маусым айында 37 жастағы Ломаченко мансабын аяқтағанын мәлімдеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
