Матчтан кейін сұхбат берген ойыншылар чемпионаттан алған әсерлерімен және алдағы жылға жоспарларымен бөлісті.
BAQ League салауатты өмір салтын насихаттау және әуесқой спортты дамыту мақсатында БАҚ өкілдері арасында жыл сайынғы шағын футбол және волейбол жарыстарын өткізіп отырады. Atameken Business – волейболдан лиганың тұрақты қатысушысы және қазіргі чемпионы.
– Сіздерді волейбол командасын құруға қандай жағдай шабыттандырды?
– Біз төрт жыл бұрын BIG League-ның негізін қалаушы Азиз Жұмаділдің БАҚ арасында волейболдан турнир ұйымдастыруды жоспарлап жүргені жайлы естідік. Бізге бұл идея бірден ұнады және өз арнамыздағы қызметкерлер арасынан команда жинай бастадық. Бізде волейбол ойнаудан тәжірибе болған жоқ, тек бірнеше әріптестеріміз волейбол ойнай алатын, бірақ ештеңеге қарамастан өз күшімізді сынап көруді шештік.
Басында оңай болған жоқ. Алғашқы екі маусымда соңғы орындарды иеленіп жүрдік. Ойыншыларымыздың басым көпшілігінің нәтижелерге көңілі толмай, командадан кетіп қалды, сапта тек ең табандылары: капитан Самат Қанағатов, Сымбат Заманбеков, Айбек Құрмет, Айжан Ілиясқызы және біздің каналдың бас директоры Қанат Сахариянов қана қалды. Қазір біздің құрамда 15 адам бар.
– Ерекше мақтан тұтатын жетістіктеріңізді атап өтсеңіздер
– Біздің үшінші маусымдағы қанжығамызға байлаған алғашқы жеңісіміз. Біз ойынға жақсы дайындықпен келдік, команданы жас әрі болашағы зор ойыншы Ермахан Қаракеновпен нығайттық. Ол бірден команданың көшбасшысы болып кетті. Топтық кезеңде командамыз 1-орынға шықты, сол қарқында 3:1 есебімен "7 арнаны" жеңіп, финалға өттік. Матч шамамен 3 сағатқа созылды, алайда бар күш-жігерімізді салып, көптен күткен кубокты жеңіп алдық. Бұл қуанышты сәт болды!
Ал биыл екі дүркін чемпион атандық. Волейбол ойнауда еш тәжірибесі болмаған команда үшін бұл керемет прогресс деп айтуға болады.
– БАҚ командаларында әртүрлі деңгейдегі және спорттағы тәжірибесі бар ойыншылар бар. Тепе-теңдікті қалай ұстайсыздар?
– Біз үнемі жаттығулардан қалмаймыз, негізгі дағдыларды үйреніп игерудеміз, өткізілген ойындардағы бейнелерді бірге талдаймыз және қателіктермен жұмыс жасаймыз. Ойын алаңында әркім деңгейі мен жеке бейімділігіне байланысты өз қызметін атқарады. Тәжірибелі жігіттер көбірек шабуылда ойнайды және қарсыластың соққыларына тосқауыл қояды. Саптағы жаңа ойыншылар алаңда қолдау көрсетеді. Сондай-ақ, біздің командада доптың сақинаға салынатын сәттерін тудыратын, алаңдағы барлық ойыншыларды бақылай алатын байластырушы ойыншыларымыздың бар болуымен жолымыз болды.
–Лигадағы басты қарсыластарыңыз деп қай команданы атар едіңіз?
– Бүгінгі таңда "7 арна", "Қазмедиа", "Хабар" және "Қазконтент".
– Кәсіби салаңыздағы қандай қасиеттер спортта көмектесті?
– БАҚ өкілдері ретінде біз ұйымдастырушылармен, төрешілермен және тіпті қарсыластармен сауатты диалог құра аламыз. Бұл бәсекелестік рух даулар мен қақтығыстарға айналмайтын жағымды атмосфераны құруға көмектеседі.
– 2023 жылға қойылған қандай жоспарларыңыз бар?
– Біз алға қойылған бірінші мақсатты іске асырдық, көктемгі турнирде чемпиондық титулды қорғау. Ал күзгі ойынға дейін негізгі құрамға өтпеген балалар ойнай алатын тағы бір команда құруды жоспарлап отырмыз. Сондай-ақ, біз Parimatch-пен тек әуесқой спортты ғана емес, жалпы спорттық журналистиканы дамыту аясында жемісті ынтымақтастығымызды жалғастырамыз деп үміт артамыз.
