"Атырау" жеңіп, "Қайсар" жеңіліп қалды

1754

"Мұнайшылар" екі матчқа созылған жеңіссіз сериясына нүкте қойды.

"Атырау" жеңіп, "Қайсар" жеңіліп қалды

"Ордабасы" Қазақстан кубогі топтық кезеңінің төртінші турында "Атырауды" қабылдады. Матч Шымкенттегі Қажымұқан Мұңайтпасов атындағы стадионда өтіп, 1:2 есебімен аяқталды.

Ойынның 11-минутында Андрия Филипович қақпашымен жеке-дара шығып, командасын алға шығарды. Сегіз минуттан кейін Эльхан Астанов пенальтиден мүлт кетпей, таразы басын теңестірді. Ал 70-минутта Тодор Петрович алыстан тамаша соққы бағыттап, кездесудің нүктесін қойды.

"Ордабасы" – "Атырау" – 1:2

"Ордабасы": Бекхан Шайзада (қ) – Әділхан Добай, Самат Шәмші (к), Карам Сұлтанов, Одилбек Абдумажитов, Акмаль Бахтияров – Александр Батищев, Виктор Брага – Эльхан Астанов, Максим Федин, Всеволод Садовский;

"Атырау": Илья Караваев (қ) – Равиль Ибрагимов, Матеус Бисси, Павел Барановский, Амандық Нәбиханов, Ади Адамбаев – Домантас Антанавичюс, Алтынбек Сапаров (к) – Юрий Завезен, Андрия Филипович, Павел Долгов;

"Қайсар" Қазақстан кубогінің төртінші турында "Каспиймен" кездесті. Қызылордадағы Ғани Мұратбаев атындағы стадионда өткен матч 1:2 есебімен аяқталды. Ойынның 56-минутында Еркебұлан Нұрғалиев мергендігімен көзге түсті. Сосын, 83-минутта Шафик Тигруджа гол соқты. Бірақ төрт минуттан кейін Жоао Педро есеп айырмасын қысқартты.

"Қайсар" – "Каспий" – 1:2

"Қайсар": Нұрымжан Салайдын (қ) – Константин Горизанов, Жоао Педро, Артём Дылевский, Абылайхан Төлегенов (к), Аян Құлмағанбетов – Демият Сламбеков, Сергей Бондаренко – Елжас Алтынбеков, Өркен Махан, Нұрбол Әнуарбеков;

"Каспий": Нұрлыбек Аязбаев (қ) – Максим Ваганов, Артем Барановский, Ерлан Қадырбаев, Қуандық Нұрсұлтанов – Шафик Тигруджа (к), Еркебұлан Нұрғалиев, Рати Арзадишвили – Павел Киреенко, Аслан Әділ, Алмас Арменов;

Ермұхамед Мәулен

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу