/img/tv.svg
RU KZ
DOW J 29 354,08 РТС 1 637,75 Hang Seng 29 002,59 FTSE 100 7 674,56 KASE 2 375,60 Алтын 1 557,30
Ауа райы:
-8Нур-Султан
-10Алматы
DOW J 29 354,08 РТС 1 637,75
Hang Seng 29 002,59 FTSE 100 7 674,56
KASE 2 375,60 Алтын 1 557,30
Автонесие бағдарламасы бекітілді

Автонесие бағдарламасы бекітілді

Алдағы айда отандық көліктер 4 пайыздық мөлшерлемемен сатылады.

25 Маусым 2019 16:10 8845

Автонесие бағдарламасы бекітілді

Биылғы жылдың қаңтар-сәуір айларында еліміздегі автоөндіріс көлемі  39,2%-ға ұлғайып, салаға 3 млрд теңге қаржы құйылды. Бюджетке салық түрінде 55 млрд теңге түсті. Ал халық отандық көлік сатып алуға 182,5 млрд теңге жұмсады.

Таяуда өткен үкімет отырысында премьер-министр Асқар Мамин былтыр отандық автөндірушілер 30 мың автокөлік шығарса, биыл 60 мың автокөлік өндіруді жоспарлап отырғанын айтты. 

«Отандық автоөндірушілер биыл 60 мың автокөлік құрастырады. Олардың алдында 2020 жылы 100 мың отандық автокөлік жасау міндеті тұр. Өткен жылы жеңілдетілген автонесие бағдарламасы бойынша 3 мың автокөлік өз иесін тапты. Алдағы уақытта қазіргі көрсеткіш 5 есе ұлғаяды. Бұл болашақта 15 мың автокөлік жеңілдетілген несиемен сатылады деген сөз», – деді Асқар Мамин.

Естеріңізге салайық, елімізде 2015 жылдың сәуір айынан жеңілдетілген автонесие бағдарламасы жүзеге асырыла бастады. Былтырға дейін бағдарламаның операторы – Қазақстанның даму банкі екінші деңгейлі банктерге 4 пайыздық мөлшерлемемен 42 млрд теңге аударды.

2015-2018 жылдар аралығында 13 245 жеңіл автокөлік жеіңлдетілген автонесие бағдарламасымен сатылды.

Биыл бағдарлама аясында қосымша 10 млрд теңге бөлінді. Бұл соманың 8 млрд теңгесін жеңіл көліктерді несиелеуге, 2 млрд теңгесі коммерциялық теxниканы лизингтік қаржыландыруға жұмсау туралы шешім шықты.

Қазақстан автобизнес қауымдастығының президенті Андрей Лаврентьевтің мәлімдеуінше, алдағы айда 4 пайыздық мөлшерлемемен автонесие беріле бастайды.

«Үкіметтің қаулысы да, қаржы да бар. Қазір қолдағы ақша банктерге үлестіріліп жатыр. Бір ай, тіпті одан аз уақытта жеңілдетілген автонесие бағдарламасы іске қосылады», – деді Андрей Лаврентьев.

Біле жүріңіз, автонесие 7 жылға беріледі. Ал автокөліктің құны 15 млн теңгеден аспауға тиіс.

Абылай Бейбарыс

inbusiness.kz-ті қараңыз, оқыңыз :

Жеңілдетілген автонесиемен 2 116 көлік сатылды

Автоәуесқойлар көлік сатып алуға 341 млрд теңге жұмсады.

20 Тамыз 2019 11:20 6307

Жеңілдетілген автонесиемен 2 116 көлік сатылды

Отандық автоөндірушілер соңғы 7 айда 24 687 автөкөлік құрастырды. Бұған 171,3 млрд теңге жұмсалды.

«ҚазАвтоӨнеркәсіп» Қазақстан автомобиль саласы кәсіпорындары одағының дерегінше, көлік өндірісінің көлемі өткен жылдың сәйкес кезеңімен салыстырғанда 42,6%-ға артық болды.

«Жеңіл автокөлік өндірісі 38,1%-ға ұлғайып, 22 280 бірлікті құрады. Автобус құрастыру көрсеткіші 4 есе өсіп, қолданысқа 754 автобус берілді. Есептік кезеңде 1 196 бірлік жүк көлігі мен 422 тіркеме құрастырылды. Ал арнайы техника өндірісі 83 бірліктен 35 бірлікке азайды», – деп хабарлады одақтың баспасөз қызметі.

Белгілі болғандай, биыл «ҚазАвтоӨнеркәсіпке» қарасты кәсіпорындардың автонарықтағы үлесі 56,7%-ға жеткен. Былтыр бұл көрсеткіш 47,6%-ды құраған. Ал ел азаматтары Қазақстанда құрастырылған «темір тұлпарды» тақымдау үшін 341 млрд теңге жұмсаған.

«АЗИЯ АВТО» АҚ сату үлесінің 54%-ын иеленіп, 11 965 көлік өткізді. «СарыарқаАвтоӨндіріс» ЖШС сату көрсеткішін 41,4%-ға жеткізіп, 9 179 көлік сатты. «СемАЗ» ЖШС - 404, «КАМАЗ-Инжиниринг» - 361, «Daewoo Bus Kazakhstan» ЖШС -145, «Hyundai Trans Auto» ЖШС - 103 көлік өткізді», – деді «ҚазАвтоӨнеркәсіп» Қазақтан автокөлік саласы кәсіпорындары одағы стратегиялық жоспарлау бөлімінің директоры Артур Мискарян.

Оның сөзінше, соңғы 7 айда жеңілдетілген несиемен 2 116 автокөлік сатылды.

«Автоөндірушілер еліміздің жалпы ішкі өнімін 171,3 млрд теңгемен толықтырды. Бұл өткен жылмен салыстырғанда +50,6% көп көрсеткіш. Шілде айында қазақстандықтар 58,5 млрд теңгеге 6 465 автокөлік сатып алды. Бұл соңғы 3 жылдағы ең жақсы нәтиже», – деді бөлім басшысы.

Абылай Бейбарыс

60 мың автокөлік құрастырылады

Отандық автоөндірушілердің нарықтағы үлесі 55,8%-ға жетті.

23 Шілде 2019 16:17 7360

60 мың автокөлік құрастырылады

Биылғы жылдың алғашқы алты айында 31 мың жеңіл автокөлік сатылды. Оның 17 мыңы отандық автоөндірушілердің еншісіне тиді. Көп көлік сатқандардың көшін «БИПЭК АВТО» мен Astana Motors компаниялары бастады.

Өткен айда ел азаматтары 6 мыңнан астам жеңіл және коммерциялық көлік сатып алды. Бұл мамыр айымен салыстырғанда 2,7% және 2018 жылдың сәйкес кезеңімен салыстырғанда 12,5% көп көрсеткіш.

Бірінші жартыжылдықтағы сауда көрсеткіші өткен жылға қарағанда 18,3% артық болды. Атап көрсетерлігі отандық автоөндірушілердің нарықтағы үлесі 47,1%-дан 55,8%-ға ұлғайды. Сәйкесінше импорттың көлемі 52,9%-дан 44,2%-ға қысқарды.

Қазақстанда құрастырылған су жаңа жеңіл автокөліктердің саудасы бір жылда 40,1%-ға көбейіп, жартыжылда 17 мың бірлікке жетті. Есептік кезеңде 13,6 мың шетелдік көлік сатылды. Бұл бір жыл бұрынғыдан 1,1% аз көрсеткіш.

Қазақстан автобизнес қауымдастығының дерегінше, «БИПЭК АВТО» дилерлік тобы 10,3 мың, Astana Motors компаниясы 7,7 мың автокөлік сатты.

Үздік үштікті «Вираж» компаниясы тұйықтады. Мұндағылар 1,9 мың «темір тұлпар» өткізді.

Үкімет басшысы Асқар Маминнің мәлімдеуінше, биыл отандық автоөндірушілер 60 мың автокөлік құрастырады. Келесі жылы бұл көрсеткіш 100 мыңға жетеді. Осылайша отандық автоөндіріс саласына серпін беріледі.

«Отандық автокөліктердің сатылымын ұлғайту мақсатында таяу болашақта жеңілдетілген автонесие бағдарламасын 5 есе ұлғайтып, жылына 15 мың автокөлік өткізетін боламыз», – деді Асқар Мамин.

Біле жүріңіздер, жеңілдетілген автонесие бағдарламасы 2015 жылы іске қосылды. Содан бері бағдарлама үздіксіз жалғасып келеді.

Биыл бағдарлама аясында қосымша 10 млрд теңге бөлінді. Бұл соманың 8 млрд теңгесін жеңіл көліктерді несиелеуге, 2 млрд теңгесі коммерциялық теxниканы лизингтік қаржыландыруға жұмсалады.

Абылай Бейбарыс

inbusiness.kz-ті қараңыз, оқыңыз :

Жаңалықтарға жазылу: