44 жастағы маман өз бетімен жұмыстан кетемін деген шешім қабылдады. Кирилл Сергеевич "Қайрат" ФК жүйесінде жұмысын жалғастыра беретінін айта кетейік. Кекер негізгі команданы 2022 жылғы маусымнан бастап басқарған. Оның жетекшілігімен "сары-қаралар" 60 матч өткізіп, оның 29-ында жеңіске жетіп, 15 кездесуде тең түсіп, 16 рет қарсыластарына есе жіберген. Осы кезеңде "Қайрат" ФК Академиясының 13 түлегі негізгі команда сапында дебют жасады.
"Сары-қаралардың" үлкен ұжымы Кирилл Сергеевичке атқарған жұмысы үшін шын жүректен алғыс айтып, кәсіби қызметінде одан әрі табысқа жете беруін тілейді", — деп жазды алматылық команданың баспасөз қызметі.
Алдағы 4 мамырда өтетін "Атыраумен" болатын матчқа команданы бұған дейін "Қайрат-Жастарды" басқарған Рафаэль Уразбахтин дайындайды.
Айта кетейік, соңғы ойында 6-тур аясында алматылық ұжым қызылордалық "Қайсардан" жеңіліп қалған болатын. Қазіргі таңда команда 8 ұпаймен турнирлік кестеде 6-орынға жайғасты.
