Баннер втб
RU KZ
Рекламный баннер Dell
Бақыт Сұлтанов жаңа ұлттық компанияға ие болды

Бақыт Сұлтанов жаңа ұлттық компанияға ие болды

12:39 21 Қыркүйек 2019 3031

Бақыт Сұлтанов жаңа ұлттық компанияға ие болды

Автор:

Бақыт Көмекбайұлы

«Астана ЭКСПО-2017» ұлттық компаниясының орнына басқа ұйым құрылады.

2017 жылы дүниежүзілік көрме аяқталғаннан кейін оны ұйымдастыру және өткізу үшін құрылған компанияның ары қарай жұмыс жасауы орынсыз, абсурд көрінген. 
Енді атқарушы билік ұлттық компания атауын жыл көрсеткішінен арылтуға ұйғарды. 
Үкімет «Астана ЭКСПО-2017» акционерлік қоғамының атауын QazExpoCongress деп өзгерту туралы шешім қабылдады. 
Сонымен бірге, жаңа ұйым жақында ғана, 2019 жылғы маусымда пайда болған, Бақыт Сұлтанов басшылық ететін Сауда және интеграция министрлігінің құзырына көшпек. 
«Қазақстан Үкіметі «Мемлекеттік мүлік туралы» заңының 11-бабының 4) тармақшасына сәйкес қаулы етеді: біріншіден, «Астана ЭКСПО-2017» ұлттық компаниясы» АҚ-ы «QazExpoCongress» ұлттық компаниясы» АҚ-ы болып қайта аталсын. Екіншіден, «QazExpoCongress» ұлттық компаниясы» АҚ-ы акцияларының мемлекеттік пакетіне иелік ету және пайдалану құқығы 100% мөлшерінде Сауда және интеграция министрлігіне берілсін», – делінген Үкімет қаулысының жобасында. 
Құжатта Бақыт Тұрлыханұлының өзі «QazExpoCongress» ұлттық компаниясы» акционерлік қоғамының директорлар кеңесіне сайланатыны хабарланады. 
Айта кету керек, әзірге «Астана ЭКСПО-2017» ұлттық компаниясы Ұлттық экономика министрлігіне қарайды.
Бірақ жақында Руслан Дәленов басқаратын осы ведомствоға қарайтын кәсіпорындар қатарынан бұл компания жойылатын болады. 
Жаңа ұлттық компанияның бірінші басшылары Премьер-министрдің ұсынуы немесе онымен келісімі бойынша ғана қызметке тағайындалады және қызметтен босатылады.
«ҚазЭкспоКонгресс» төл қызметінің жаңа тұжырымдамасы бекітілгенге дейін «Астана ЭКСПО-2017» ұлттық компаниясы қазір атқарып жатқан жұмыстарды ары қарай жалғастырумен айналысады деп күтілуде. Яғни, жаһандық көрме орнында қалған ғимараттар мен дүние-мүлікке иелік етеді. 

Бақыт Көмекбайұлы