Кездесу Сауд Арабиясының Джидда қаласында өтті, деп хабарлайды inbusiness.kz сайты.
Қос клубтың ойыны жаһан жұртшылығын өзіне аударып, футболсүйер қауымды екіге бөлді деуге әбден болады.
5-минутта "Реал" сапынан франциялық Килиан Мбаппе есеп ашқан еді. Десе де, Левандовскиден пас алған Испанияның жас жұлдызы Ламин Ямаль таразы басын теңестірді. 36-минутта Р.Левандовски он бір метрлік айып соққысын шебер орындап, командасын алға шығарды.
Арада 3 минут өтер-өтпестен бразилиялық Рафинья мергендігімен көзге түссе, бірінші тайм соңында Бальде есепті 4:1-ге жеткізді.
Екінші тайм басталған соң Рафинья тағы бір голды өз атына жазды. Ал, 56-минутта К.Мбаппеге қарсы дөрекі ойнаған "Барселона" қақпашысы Войцех Щенс алаңнан қуылды. "Реал" сапынан Родриго айып добын қатесіз орындап, есепті 2:5-ге қысқартты. Қалған минуттарда қос клуб қанша шабуылдағанымен, таблодағы көрсеткіш өзгеріссіз қалды.
