"Барыс" өз айдынындағы ойындар сериясының соңғы матчында "Амурды" қабылдады.
Астаналықтардың тек қақпашылар құрамында бір өзгеріс болды. Кездесуде алғашқы минуттардан Адам Шил қақпадан орын алды.
3-минуттың басында-ақ қонақтар қақпасының торында шайба тулады. Алайда бейнетаспа қайталауынан кейін төрешілер бұл голды есептемеді. Всеволод Логвин шайбаны аяғымен соққан еді.
Дегенмен үзіліске дейін "Барыс" ережеге сай гол соғып үлгерді. Қорғаушы Джейк Масси жеке шеберлігімен көзге түсті.
Екінші кезең айдын иелерінің айқын басымдығымен өтті. Ұзақ уақыт бойы "Амур" табанды қорғаныспен ойнады. 37-минутта астаналықтар сапынан Томсон гол соқты. Осыдан кейін "Амур" жаттықтырушылары қақпашысын ауыстырып, ойынға Дамир Шаймардановты қосты.
Соңғы кезеңде астаналықтар бірнеше рет айып алаңына түскендіктен ойынның қарқынын аздап жоғалтып алды. Финалдық ысқырыққа небәрі 36 секунд қалғанда Кирилл Петьков Адам Шилды "құрғақ" жеңістен айырды.
Алайда бұл соңғы нәтижеге әсер етпеді. Қазақстандық қақпашы жалпы есеппен қақпаға бағытталған 31 соққыны қайтарды. Қорытынды есеп 3:1, "Барыстың" пайдасына.
27 қазан күні Михаил Кравецтің шәкірттері Нижнекамскіде "Нефтехимикке" қарсы матч өткізеді.
