"Барыс" канадалық шабуылшымен толықты

1278

"Барыс" хоккей клубы Майкл Шапюмен келісім-шарт жасалғаны туралы ресми түрде мәлімдеді. Канадалық форвардпен келісім бір маусымға жасалған (2023 жылғы 30 сәуірге дейін).

"Барыс" канадалық шабуылшымен толықты

Орталық шабуылшы бүкіл мансабын Солтүстік Америкада өткізген. 2010 жылы Майкл "Филадельфия" командасына келіп, содан бері ҰХЛ-да 182 матч өткізген. 2016 жылы спортшы "Колдер Кубогының" иегері атанды. Өткен маусымда Шапю "Питтсбургтің" фарм-командасы "Уилкс-Барре/Скрэнтон Пингвинз" құрамында өнер көрсетті. 57 кездесуде ойыншы 33 (12+21) ұпай жинады. Жалпы АХЛ-да шабуылшы 445 ойын өткізіп, 292 (121+171) ұпай жинады.

Майкл Шапю Астанаға келесі аптада келеді. Барлық қажетті медициналық тексерулерден өткен соң "Барыстың" өз айдынында өткізетін матчтар сериясына дайындалады.

Айта кетейік, елордалық хоккей клубы қазіргі таңда Череповец – Ярославль – Мәскеу бағыты бойынша турнеге аттанып, сырт алаңдағы ойындарын өткізуде. 26 қыркүйек күні "Барыс" Астана уақыты бойынша 22:30-да "Локомотивпен" (Ярославль) кездеседі.

Ермұхамед Мәулен

Telegram
ПОДПИСЫВАЙТЕСЬ НА НАС В TELEGRAM Узнавайте о новостях первыми
Подписаться