/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
"Барыс" келесі айналымда!

"Барыс" келесі айналымда!

Серияның бесінші кездесуінде «Барыс» магнитагорскінің «Металлургін» 5:2 есебімен ойсырата ұтып, шығыс конференциясының жартылай финалына шықты.

16:35 10 Наурыз 2020 1194

"Барыс" келесі айналымда!

Автор:

Ермұхамед Мәулен

Нұр-Сұлтан қаласының хоккей клубы өзінің Гагарин Кубогіндегі ең үздік нәтижесін қайталай алды. Бұған дейін «Барыс» конференцияның жартылай финалына шыққанымен, плей-оффтың екінші кезеңінен әрі аспайтын. 2013/2014 жылғы маусымда қазақстандық клуб «Салауат Юлаевқа» серияда 2-4 есебімен, 2016/2017 жылғы маусымда «Металлургқа» 0:4 есебімен, 2018/2019  жылы өткен маусымда «Авангардқа» 1:4 есебімен есе жіберген болатын.

Кездесу өте тартысты өтті. Ойынның небәрі 6-минутында есеп 2:1-ге жетті. Айдын қожайындарынан Антон Сагадеев пен Даррен Диц көзге түсті. Алғашқы айналым біткенше Сагадеев дубль жасады. Ал, екінші айналым басталғаннан кейін Павел Акользин есеп айырмашылығын 3 шайбаға дейін ұлғайтты. Артем Минулиннің голы «Металлургты» ойынға қайта қосқанымен, «Барыс» басымдылықты қолдан бермей, бос қақпаға бесінші голды соқты. Сонымен, бесінші кездесуді 5:2 есебімен аяқтаған қазақстандық хоккейшілер сериядағы есепті 4:1-ге жеткізіп, жартылай финалға шықты.

Енді «Барыс» хоккей клубы Шығыс Конференциясының жартылай финалында «Салауат Юлаевқа» қарсы ойнайды.

Ермұхамед Мәулен