Қытай құрамасы Қазақстан астанасына қатарынан үш жеңілістен кейін келді. Соңғы ойында Ивано Занаттаның шәкірттері Магнитогорскіде Құрлықтық Хоккей Лигасының көшбасшысы "Металлургтен" 4:6 есебімен жеңілді. Бұл матчта Брэндон Ип, Клиффорд Пу, Алекс Рич және Лукас Локхарттар гол соқты. Қақпашы Пэрис О'Брайен алты гол жіберіп алғанымен, 35 соққыны қайтарды. Пекиндік команданың бас бапкері кездесуден кейін өз командасының қолдан келгеннің бәрін жасағанын, бірақ үшінші кезеңде қарсыластың мықтылығы басым болғанын айтты.
Осыдан бір күн бұрын "Барыс" "Сочиді" 5:2 есебімен жеңді. Бұл ойында Якоб Лилья дубль жасаса, Әлихан Әсетов, Кирилл Савицкий және Роман Савченколар бір-бір голдан соқты.
Қазан айында "Барыс" пен "Куньлунь" Мытищиде кездескен болатын. Айдын иелері соңғы минуттарда негізгі уақытта жеңіліске жол бермеді. Бірақ қазақстандық команда буллитте жеңіске жетті (2:1).
Бұл ойынға Олле Алсинг медициналық себептерге байланысты қатыса алмады. Оның орнына Егор Петухов ойынның 13-ші шабуылшысы болып жарияланды. Бірінші кезең алаң иелерінің басымдығымен өткенімен, есепті қонақтар ашты. Үзіліске аз уақыт қалғанда қытайлық команда жылдам шабуыл ұйымдастырып, Алекс Рич Йони Ортиодан айласын асырды.
Екінші жиырма минуттың басында Руди Ин мен Микаэль Таманың голдары қазақстандық құраманың бапкерлер штабына қақпашыны ауыстыруға мәжбүрледі. Нәтижесінде, ойынға Никита Бояркин қосылды. Бұл ойыншыларды қайта жандандырды. Үзіліске дейін "Барыс" есепті қысқартып қана қоймай, алға шықты. Егор Петухов та тамаша ойнады. Оң жақ шеңберден допты Роман Старченко қарсыластар қақпасына дәл бағыттады. Линден Вэй Әлихан Әсетовтың тамаша пасынан кейін көзге түсті. Содан кейін Якоб Лилья төртінші голды соқты.
Үшінші кезеңде Лилья дубль жасады. Бірақ бұған Этан Уорек бірден жауап берді. Коди Куник "Барыстың" ағымдағы маусымдағы 100 голының авторы атанды. Қорытынды ұпайды Мэттью Фраттин әкелді.
7:4 есебімен жеңіске жеткен Юрий Михайлистің командасы 38 ұпаймен 9-орыннан 7-орынға көтеріліп, Шығыс конференциясының плей-офф аймағына оралды. 12 желтоқсанда "Барыс" елордада "Нефтехимикті" қабылдайды.
Ермұхамед Мәулен
