Команда 14 шілдеде демалыстан оралады. Ойыншылар екі күн ішінде медициналық тексеруден өтеді. Тестілеу 16 шілдеге жоспарланған. Содан кейін Нұр-Сұлтандағы оқу-жаттығу жиындарының бірінші кезеңі басталады (17 шілдеден 15 тамызға дейін).
16-20 тамыз аралығында "Барыс" Қазақстан Республикасы Президентінің" кубогі үшін сынға түседі. Оған Магнитогорскінің "Металлург", Екатеринбургтің "Автомобилист", Нижнекамскінің "Нефтехимик" және Пекиннің "Кунлунь Ред Стар" командалары да қатысады. 21-23 тамыз аралығында "Барыс Аренада" оқу-жаттығу жиынының екінші кезеңі өтеді. 24-27 тамыз аралығында "Барыс" "Челябинск облысының губернаторы" кубогінде "Металлург", "Автомобилист" және "Трактор" болады. 28-31 тамыз аралығында елордада оқу-жаттығу жиындарының соңғы кезеңі өтеді.
Мәскеуде 1 қыркүйекте ҚХЛ-ның 15-ші маусымы Гагарин кубогінің қазіргі иегері ЦСКА мен өткен маусымның финалисті "Металлург" арасында өтетін матчтпен басталмақ. Тұрақты маусым 2023 жылдың 26 ақпанына дейін жалғасады. Гагарин кубогы 2023 жылдың 1 наурызы мен 29 сәуірі аралығында өтеді. Командалар тұрақты маусымда 68 матч өткізеді деп жоспарлануда.
Айта кетейік, таяуда "Барыстың" бас бапкері болып Андрей Скабелка тағайындалған болатын. Беларусь маманымен келісім-шарт 2024 жылдың 30 сәуіріне дейін екі маусымға арналған. Бапкер осыған дейін Ярославль қаласының "Локомотив" ұжымын жаттықтырған. Андрей Владимирович қазақстандық жанкүйерлерге жақсы таныс. 2018/2019 жылғы маусымда Скабелка тізгінін ұстаған "Барыс" тұрақты чемпионаттар тарихында жинаған ұпайлары бойынша үздік нәтиже көрсеткен еді. Скабелка бастаған "Барыс" Чернышев дивизионын екі рет жеңіп, Гагарин кубогінің Шығыс конференциясының жартылай финалына екі рет шықты.
"Барыс" маманның Қазақстанға оралуы осы жолы да жемісті болады деп күтеді. Келесі маусымда клуб қазақстандық жас ойыншыларға басты назар аударатын болады. Жаңа маусымда елордалық хоккей клубы жанкүйерлерді тамаша нәтижесімен қуантады деген ойдамыз.
Ермұхамед Мәулен
