Қазақстандық дзюдошы Бейбарыс Сұлтан Чехияның Прага қаласында өткен жастар арасындағы Еуропа кубогында күміс жүлдеге ие болды, деп хабарлайды inbusiness.kz сайты.
Отандасымыз 100 келіден жоғары салмақ дәрежесінде ел намысын қорғап, жарыс барысында сәтті өнер көрсетті. Финалда әзербайжандық Рамазан Ахмадовпен белдескен Бейбарыс тартысты кездесуде қарсыласына есе жіберіп, жарысты екінші орынмен аяқтады.
Осылайша қазақстандық балуан халықаралық додада күміс медаль жеңіп алып, ел қоржынына тағы бір жүлде салды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
