Қазақстандық аралас жекпе-жек шебері Бекзат Алмахан ауыр жарақатынан кейін UFC-ге қайта оралып, Монреальда өтетін UFC 315 турниріне қатысады.
Ол канадалық Брэд Катонамен кездеседі. Бұл Алмахан үшін UFC-дегі екінші жекпе-жек болмақ. Қазіргі таңда оның UFC-дегі көрсеткіші – 0 жеңіс және 1 жеңіліс, ал жалпы ММА-дегі көрсеткіші – 11 жеңіс және 2 жеңіліс.
Турнирдің басты оқиғасы – жартылай орта салмақтағы UFC чемпиондық белбеуі үшін Белал Мухаммад пен Джек Делла Маддалена арасындағы жекпе-жек болмақ.
Бүгін олар көзқарастар айқасын өткізді. Осы жекпе-жектен кейін қазақстандық Шавкат Рахмоновтың келесі қарсыласы кім болатыны анықталады.
Сондай-ақ, турнирде Валентина Шевченко UFC-дің әйелдер арасындағы жеңіл салмақтағы чемпиондық атағын Манон Фьороға қарсы қорғайды.
UFC 315 турнирі аралас жекпе-жек жанкүйерлері үшін қызықты әрі тартысты болары сөзсіз. Турнир Қазақстан уақыты бойынша 11 мамыр таңғы уақытқа жоспарланған (4.30) және Канаданың Монреаль қаласындағы Bell Centre аренасында өтеді.
