Алматыда "Бір күн клиникасы" пилоттық жобасы іске қосылды, ол мемлекеттік медициналық орталықтардағы ұрық денсаулығын тексеру сапасын жаңа деңгейге көтеруге мүмкіндік береді. Жобаны "Шеврон" компаниясының қолдауымен AYALA қайырымдылық қоры жүзеге асырды, деп хабарлайды inbusiness.kz сайты.
Жоба аясында туа біткен және хромосомалық патологиялар бойынша тәуекел тобындағы Алматы қаласының барлық болашақ аналары ұрықтың денсаулығын анықтау бойынша басты тексеруден өте алады. Алматыда тұратын жүкті әйелдерді тексеру бір күн ішінде қазіргі заманғы диагностикалық жабдықтарда, Fetal Medicine Foundation пренаталдық диагностика жөніндегі жетекші еуропалық ұйымның алгоритмі бойынша бірнеше сағат ішінде жүргізіледі.
"Біздің орталықта жалпыға бірдей қолжетімді болған пренаталды скринингтің жаңа әдісі оның теңдессіз жылдамдығын ажыратады: барлық тексерулер бір күн ішінде жүргізіледі. Біздің орталықтың AYALA қайырымдылық қорымен ынтымақтастығының арқасында біз пациенттерге медициналық диагностика мен емдеудің ең заманауи әдістеріне, соның ішінде мемлекеттік медициналық көмек шеңберінде қол жеткізе аламыз", - деп атап өтті Алматы қаласындағы Перинатология және балалар кардиохирургиясы орталығының директоры Гүлнара Нұрланова.
Иммунохимиялық талдағыш пен қуатты электрондық микроскоп Алматы қаласының Перинатология және балалар кардиохирургиясы орталығының (ПжБКХО) зертханалық кешенінің бір бөлігіне айналды. Ұрықтың хромосомалық ауытқуларын иммундық-химиялық талдау мен цитогенетикалық зерттеулерді пайдалана отырып, скринингтің жаңа әдісі дәрігерлерге ұрықтағы мүмкін болатын проблемаларды уақтылы анықтауға және емдеудің оңтайлы тактикаларын таңдай отырып, жүктілікті жүргізудің одан әрі қадамдары туралы шешім қабылдауға көмектеседі. Бұған дейін мұндай тексеріс тек жеке меншік медициналық орталықтар базасында ғана қолжетімді болатын. Дәрігерлер бұл болашақ аналар үшін сапалы диагностиканың қолжетімділігін едәуір арттырады деп есептейді.
Алматылық Әйгерім Тілеубаеваның басты тілегі - дені сау баланы дүниеге әкелу және клиника үшін AYALA қоры берген жабдықтар жүктіліктің ерте мерзімінде бір күннің ішінде денсаулығын нақты диагностикалауға мүмкіндік берді.
"Жобаның басталғанын білген соң, Перинатология және балалар кардиохирургиясы орталығына арнайы хабарластым. Бұл менің алғашқы жүктілігім. Кез келген ана сияқты мен баламның дені сау болып туғанын қалаймын. Мұнда білікті мамандар жұмыс істейді және жаңа жабдықтар орнатылған. "Бір күндік клиника" жобасының арқасында мен бүгін тексеруден өтіп, барлық нәтижелерге бірден алдым", - деп алматылық әйел скринингтен өту тәжірибесімен бөлісті.
ҚР Денсаулық сақтау министрлігі ана мен бала денсаулығын қорғау департаментінің директоры Мағрипа Хамитова жаңа жабдықтарда қолданылатын технологиялар әлемдік медициналық тәжірибеде "алтын стандарт" болып табылатынын атап өтті.
"Денсаулық сақтау министрлігінің алдында тұрған басты міндеттердің бірі қазақстандық балалардың мүгедектігін азайту болып табылады. "Бір күндік клиника" пилоттық жобасы туу көрсеткіштері жоғары еліміздің басқа өңірлерінде ауқымды болады. Алматы қаласындағы ПжБКХО-на берілген иммунохимиялық талдағыш Нобель сыйлығына ие болған бірегей технология негізінде әзірленгенін жеке атап өткім келеді. Біз "Шеврон" компаниясына еліміздің болашақ азаматтарының генетикалық денсаулығын нығайтуға қосқан зор үлесі үшін алғысымызды білдіреміз", - деп атап өтті Мағрипа Хамитова.
Биылғы жылы "Бір күндік клиника" пилоттық жобасын жүзеге асыру аясында Перинатология және балалар кардиохирургиясы орталығының дәрігерлері Алматылық 10 мыңнан астам жүкті әйелге арналған пренаталды скрининг жүргізуді жоспарлап отыр. Хромосомалық патология маркерлері мен ұрықтың туа біткен даму кемістіктері анықталған жағдайда дәрігерлер консилиумы пациентті диагностикалық зерттеулердің тереңдетілген түрлеріне, оның ішінде инвазивті пренаталдық диагностикаға жіберу туралы шешім қабылдайтын болады. Бұл үшін алынған материал AYALA қоры берген қуатты микроскоппен FISH әдіснамасы бойынша цитогенетикалық зерттеуден өтеді. Ол кең таралған туа біткен патологияларды - Даун, Пату, Эдвардс, Шерешевский-Тернер, Клайнфельтер синдромын барынша дәлдікпен анықтауға көмектеседі.
"Шеврон" компаниясының әлеуметтік инвестициялар жөніндегі үйлестірушісі Жанар Қошпанованың айтуынша, денсаулық сақтау саласындағы жобаларды қолдау халықаралық компанияның әлеуметтік инвестицияларының стратегиялық бағыттарының бірі болып табылады.
"Біз он бес жылдан астам уақыт бойы AYALA қайырымдылық қорының перинаталдық және неонаталдық диагностиканың өзекті мәселелерін шешуге, ұрыққа және жаңа туған нәрестеге сапалы медициналық көмек көрсетуге, перинаталдық және неонаталдық орталықтарды материалдық-техникалық қамтамасыз етуді жақсартуға, сондай-ақ неонатолог дәрігерлер мен орта медициналық персоналдың біліктілігін арттыруға бағытталған жобаларына қолдау көрсетіп келеміз. Біз мемлекеттің, бизнестің және қоғамның перинатология және неонатология саласындағы бірлескен күш-жігері туа біткен және перинаталдық аурулардың алдын алу, ерте диагностикасы мен емдеудің тиімділігін арттырады, сондай-ақ Қазақстанда сәби өлімін азайтуға және ерте мүгедектіктің алдын алуға ықпал етеді деп сенеміз", - деп атап өтті Жанар Қошпанова.
17 жыл бойы перинаталдық медицина тәжірибесіне диагностикалау мен бала туғаннан бастап мүгедектіктің алдын алудың ең заманауи әдістерін енгізуге көмектесіп келе жатқан AYALA қайырымдылық қорының негізін қалаушы және президенті "Бір күндік клиниканың" ашылуы Қазақстанда перинатологияны дамытуда және жүкті әйелдерге сапалы медициналық көмекті қамтамасыз етуде маңызды қадам болып табылады деп есептейді.
"Біздің еліміз үшін мәселе өте өткір күйінде қалып отыр. Жыл сайын Қазақстанда туа біткен және тұқым қуалайтын аурулары бар 3500-ге жуық бала дүниеге келеді. Жыл сайын мүмкіндігі шектеулі мектеп жасына дейінгі балалардың саны 6000-ға ұлғаюда және туғаннан 18 жасқа дейінгі 100 000-нан астам баланың әртүрлі топтағы мүгедектігі бар. Олардың мыңдағанын болмаса да жүздегенінің денсаулығын сақтап қалуға болатынына сенімдімін. "Бір күндік клиниканың" ашылуы перинатологияны дамытуда және Қазақстанда жүкті әйелдерге сапалы медициналық көмекті қамтамасыз етуде маңызды қадам болып табылады. Болашақ аналарға кешенді скринингтік зерттеу жүргізудің жаңа тәсілі тиімді құрал болатынына және елімізде балалардың мүгедектігін азайтуға ықпал ететініне сенімдімін", - деп атап өтті AYALA қайырымдылық қорының негізін қалаушы және президенті Айдан Сүлейменова.
AYALA қайырымдылық қоры - Қазақстандағы неонатологияға маманданған жалғыз қайырымдылық қоры. 17 жыл ішінде жүргізген жұмысы нәтижесінде қор перинаталдық орталықтардың, балалар ауруханалары мен ғылыми орталықтардың 67 реанимациясын заманауи медициналық жабдықтармен жабдықтауға 2 млрд теңгеден астам қаражат тартты. Бұл 2007 жылдан бері жүздеген мың қазақстандық баланың өмірін сақтап қалуға және 2010 жылдан бастап Қазақстандағы сәбилер өлімі көрсеткішін 2 есеге азайтуға көмектесті.
