Елімізде айырбас пунктерінің саны қысқарып жатыр. 2018 жылдың ақпанынан бастап 2019 жылдың ақпаны аралығында елде 390 айырбас пункті жабылған. Биылғы жылдың тек екі айының өзінде айырбас пунктерінің саны 176-ға азайған. Жыл басынан бері банктер 117 айырбас пунктін, өкілетті органдар 55-ін, "Қазпошта" 4-ін жапқан.
Ұлттық банк мәліметі бойынша, 2019 жылдың 1 наурызында 2528 айырбас пункті болған, оның 1567-сі банктерге, 738-і өкілетті ұйымдарға және 223-і "Қазпоштаға" тиесілі болған.
Айырбас пунктерін, әсіресе, банктер көптеп жабуда, бір жыл ішінде оның саны 279-ға қысқарған. Ал жекеменшік айырбас пунктерінің саны 111-ге қысқарған. Тап осы уақыт ішінде "Қазпошта" еліміз бойынша айырбас пунктерін ашу арқылы валюталық операциялар нарығында үлесті жаулап алуда. 2018 жылдың ақпаны мен 2019 жылдың ақпаны арасында олардың саны 23-ке көбейген.
Басқаларға қарағанда бір жыл ішінде айырбас пунктері Атырау облысында көп жабылған. Қаладағы 84 айырбас пункті өз жұмысын тоқтатқан. Екінші орында Алматы тұр. Алматыда олардың саны 76-ға, ал Ақмола облысында 52-ге қысқарған. Алматы облысында бір жыл ішінде 48 пункт, Нұр-Сұлтанда 31-і жабылған.
Бұдан бұрын сарапшылар айырбас пунктерінің жабылуына Ұлттық банк тарапынан көбейіп келе жатқан ірі ойыншылармен бәсекелестіктің жоғары болуы, сондай-ақ шығынға әкелетін валюта нарығындағы құбылмалық себепші деген болатын.
Жантөре Қасым
