/img/tv1.svg
RU KZ
Биылғы еурокубок ерекше болады

Биылғы еурокубок ерекше болады

Қазақстан намысын қорғайтын 4 клубтың қайсысы топтық кезеңге өтеді деген сауал көкейімізде тұр. Жанкүйерді алаңдатқан сауал да осы. 

23:10 18 Маусым 2020 944

Биылғы еурокубок ерекше болады

Автор:

Ермұхамед Мәулен

2020/21 маусымының іріктеу турнирі қалай өтетіні жайлы ақпарат шықты. УЕФА өзінің ресми сайтында жаңа қабылданған шешімді жария етті. Енді биылдан бастап Еуропа лигасының іріктеу жарысында клубтар екі матчтан ойнамайды. Себебі, уақыт тапшы. Бір ғана матч, соның қорытындысы бойынша келесі кезеңге өтеді. Ал ойын қай команданың алаңында өтетіні жеребе арқылы белгілі болады.

Биыл Еуропа лигасына Қазақстан атынан үш клуб қатысқалы отыр. Олар: "Қайрат", "Ордабасы", "Қайсар".

Өтпелі раунд: 20 тамыз

1 іріктеу раунды: 27 тамыз

2 іріктеу раунд: 17 қыркүйек

3 іріктеу раунд: 24 қыркүйек

4 іріктеу раунд: 1 қазан

Групповой турнир: 22 қазан, 29 қазан, 5 қараша, 26 қараша, 3 желтоқсан, 10 желтоқсан.

Чемпиондар лигасы мен Еуропа лигасының топтық кезеңінің жеребе тарту рәсімі 1 және 2 қазан күндері Афины қаласында өтеді.

Сондай-ақ, УЕФА 2020/2021 жылғы Чемпиондар Лигасы маусымының іріктеу кезеңдері басталатын уақытты анықтады.

Плей-офф кезеңіне дейінгі кездесулердің барлығы бір ойыннан өтеді.

«Астана» Чемпиондар Лигасындағы жолын 2020 жылдың 18/19 тамыз күндері алғашқы іріктеу кезеңінен бастайды.

Екінші іріктеу кезеңі 25-26 тамыз күндеріне жоспарланған. Үшінші кезең 15/16 қыркүйек. Плей-офф кезеңі: 22/24 және 29:30 қыркүйек.

Ермұхамед Мәулен

"Будучност" бапкері: Біздің бюджет 1 миллион ғана

"Астананы" жеңген Черногория чемпионы "Будучност" елордалық клубтың бетпердесін шешті. 

18 Қыркүйек 2020 03:22 247

Ойын аяқталған соң тілшілерге сұқбат берген Младен Милинкович өзінің командасы жайлы мақтана сөйледі. 

- Мен өзімнің футболшыларыма ризамын. Оларды үлкен жеңіспен құттықтаймын. Матч алдында мен оларға "Біз кішкентай ғана елміз, бірақ үлкен футбол клубтарын жеңе аламыз" деп айттым. Жоғарғы деңгейде ойнауға болатынын да түсіндірдім. Олар алаңда барлығын жасады. Біз негізі чемпионатымызды сәтсіз бастадық. Алматыға үздік ойыншымызды алып келе алмадық. Сондықтан да, психологиялық ауыртпалықты сезіндік. Еурокубокта үлкен тәжірибиесі бар "Астананы" тізерлеттік. Бұл біз үшін зор мақтаныш. 

- "Астана" Сіз күткендей ойнай алмады ма?

- "Астананың" шабуыл шебінде мықты футболшылар бар екенін біліп келдік. Әсіресе Томасов мықты ойыншы. Бірақ, ол негізгі құрамда алаңға шықпады. Неге екенін біле алмадым. 

- Келесі ойында "Сараево" командасымен кездесесіздер. Ол матч "Астанаға" қарағанда қиын болатын шығар. 

- Бәлкім. Біз бір-бірімізге жақын елміз ғой. Босния не, Черногория не көп айырмашылық жоқ. Футболымыз кезінде бір болған. Дегенімен, "Астанаға" қарағанда жеңіл болатыны анық. 

- "Астананың" бюджеті оншақты миллион еуроны құрайды. Тіпті одан да көп болуы мүмкін. Ал Сіз баптайтын клубтың бюджеті қандай?

- "Будучност" клубының жылдық бюджеті 1,2 миллион еуро. Ол қаржы біздің академияға, жастар командаларына да жұмсалады. 

Ермұхамед Мәулен

Қазақ футболы үшін қаралы күн

Еурокубоктың екінші айналымынан кейін Қазақстан намысын қорғайтын команда қалмады. Барлығы жеңілді. 

18 Қыркүйек 2020 03:02 266

Алдымен "Қайсар", сосын "Астана", енді міне, "Қайрат". Үш командамыздың үшеуі де жарыстан шығып қалды. Биылғы карантиннің кесірі қазақ футболына осылай әсер етті. Бір жыл бойы ойын өткізбей, жеткілікті жаттығу жасамаған соң шығар, клубтарымыздың осал көрініп жатқаны. Израильде өткен мына матчта "Қайрат" бірінші болып гол жіберіп алды. Алаң иелері айып добын керемет ойнатты. Сосын Вагнер Лав таразы басын теңестіріп, алматылық клубқа үміт сыйлады. Алайда, екінші таймда бір шабуыл жасаған "Маккаби" гол салып кетті. Қорғаныстағы футболшылар елсіз ойнады. Кейіннен Вагнер Лав тағы да гол салған еді төреші оны офсайд деп есептемеді. Бірақ, допқа жанаспаған Яцек Гуральский бәрібір де ойыннан тыс қалып тұрды. 

«Маккаби» (Хайфа, Израиль) – «Кайрат» (Алматы, Қазақстан) – 2:1

Голдар: Юваль Ашкенази 31, Никита Рукавица 71 – Вагнер Лав 45+1

Ескертулер: Сун Менахем 42, Эрнест Мабука 78, Мохаммед Абу-Фани 81, Джон Коэн 90+2 – Гүлжігіт Алықұлов 2, Яцек Гуральский 37

«Маккаби» Хайфа: Джош Коэн (В) – Эрнест Мабука, Офри Арад, Аяд Абаши, Сун Менахем – Юваль Ашкенази (Долев Хазиза 55), Нета Лави (К), Мохаммед Абу-Фани – Тьяронн Чери, Никита Рукавица (Хосе Родригес 83), Яник Вилдсхут (Богдан Планич 74);

Резерв: Шариф Кеуф (В) – Ярден Шуа, Став Нашмани, Йосеф-Раз Мейр;

«Қайрат»: Стас Покатилов (В) – Гафуржан Сүйімбаев (К), Нұралы Әліп, Раде Дугалич, Дино Миканович – Гүлжігіт Алықұлов (Конрад Вржещиньский 81), Яцек Гуральский, Небойша Косович, Айбол Әбікен (Еркебулан Тұңғышбаев 87) – Вагнер Лав, Абат Айымбетов (Адеринсола Эсеола 64);

Резерв: Данил Устименко (В) – Денис Поляков, Камо Оганесян – ​Артур Шушеначев;

Төрешілер: Мадс-Кристоффер Кристофферсен, Виктор Скитте, Оле Кронлюкке, Микаэль Тюкгор (барлығы Дания)

Ермұхамед Мәулен