Бүгін, 8 қыркүйекте Қазақстан Республикасының Президенті Қасым-Жомарт Тоқаев Парламент палаталарының бірлескен отырысында ел халқына жыл сайынғы Жолдауын жасайды.
Ақорданың хабарлауынша, жиынға Сенат пен Мәжіліс депутаттары, орталық мемлекеттік органдардың басшылары, Ұлттық құрылтай мүшелері, қоғам өкілдері мен еңбеккерлер қатысады.
Жолдауда дәстүр бойынша ел дамуының негізгі бағыттары – экономика, әлеуметтік саясат, сыртқы саясаттағы басымдықтар және алдағы стратегиялық жоспарлар қамтылады. Бұл маңызды саяси оқиға қоғам мен сарапшылардың ерекше назарында.
Президенттің Жолдауы мемлекеттік органдарға, бизнеске және азаматтық секторға алдағы кезеңдегі негізгі жұмыс бағыттарын айқындап береді.
Жолдауды республикалық телеарналардан, Ақорданың ресми әлеуметтік желілерінен және Atameken Business арнасынан тікелей эфирде көруге болады.
