"Қайрат" Қазақстан премьер-лигасының 22-туры аясында "Оқжетпесті" 1:0 есебімен жеңіп, турнирлік кестеде "Астананы" қуып жетті. Жалғыз голды 8-минутта португалиялық Жоржиньо соқты. Бұл оның биылғы чемпионаттағы 8-голы. Осылайша ол Дастан Сәтпаевты қуып жетті.
"Қайраттың" еншісінде енді 46 ұпай бар, "Астананың" да көрсеткіші дәл сондай. Үшінші орында – 44 ұпайы және бір ойыны артық "Тобыл". "Оқжетпес" алтыншы орында тұр – 32 ұпай.
24 мамырда көкшетаулықтар Алматыда өткен бірінші айналым ойынында "Қайратты" 2:1 есебімен жеңген еді.
"Қайраттың" келесі матчы 14 қыркүйекте Алматыда "Ақтөбеге" қарсы өтеді. Ал 19 қыркүйекте "Қайрат" Чемпиондар лигасы топтық кезеңіндегі алғашқы кездесуін Португалияда "Спортингке" қарсы өткізеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
