Қазақстан құрамасы кездесуде жылдам есеп ашты. Көзге түскен Дуглас еді. Әрі қарай жас ойыншы Әбірасул Әбдіманапұлы есепті еселеп, ұлттық құрамадағы алғашқы голын соқты. Бірінші тайм Арнольд Кнаубтың шебер соққысымен аяқталды - 3:0.
Екінші тайм басталған сәттен Рикардо Кака шәкірттері тағы да жылдам гол соқты. Альберт Ақбалықовқа есепті өзгерту үшін небәрі 35 секунд қажет болды. Әрі қарай Еуро-2022 үздік сұрмергені Біржан Оразов 12 секунд ішінде екі мәрте қарсыластың қақпасынан саңылау тауып, жылдам соғылған дубль авторы атанды.
Ойын нәтижесін шабуылшы Азат Валиуллин түйіндеді - 7:0.
Осы жеңістен кейін Қазақстан құрамасы тоғыз ұпаймен өз тобында бірінші орынмен келеді. Келесі кездесу 2023 жылдың 8 наурызында сырт алаңда Словенияға қарсы өтеді.
Қазақстан – Черногория – 7:0
Голдар: Дуглас 2, Әбдіманапұлы 3, Кнауб 15, Ақбалықов 21, Оразов 24, 24, Валиуллин 39;
Ескерту: Обрадович 10, Чорович 13;
Қазақстан: Байдулла (қ), Дуглас, Тұрсағұлов, Есенаманов (к), Ақбалықов – Серіков (қ), Валиуллин, Кнауб, Жұма, Әбдіманапұлы, Оразов, Қабылбаев, Төреғазин, Кенжеғали;
Бас бапкер: Рикардо Кака.
Черногория: Джуркович (қ), Чорович, Вулетич, Ил. Мугоша (к), Обрадович – Секулич (қ), Чиркович (қ), Чимбальевич, Маркович, Делич, Видакович, Спасоевич, Делич;
Бас бапкер: Свето Льесар.
Төрешілер: Алкофер, Гюндлер (екеуі де – Германия)
09.11.2022. Алматы, Балуан Шолақ атындағы спорт сарайы. 3 580 жанкүйер.
Ермұхамед Мәулен
