18 жастағы футболшы Чемпионшиптің үшінші турында "Норвичке" қарсы кездесуді негізгі құрамда бастап, алаңда 90 минут бойы өнер көрсетті, деп жазады inbusiness.kz сайты.
"Бернли" 1:4 есебімен жеңілгенімен, Сәтпаевтың жеке көрсеткіші командадағы өзге ойыншылардан жоғары болды.
Flashscore қазақстандық шабуылшының ойынына 7,5 балл қойды. Бұл – "Бернли" футболшылары арасындағы ең жоғары баға.
Сәтпаев матчта қарсылас қақпасына үш рет соққы жасап, оның біреуін дәл бағыттады. Сонымен қатар, қарсыластың айып алаңында допқа 8 рет тиіп, 8 дриблингтің 4-ін сәтті орындады.
Қазақстандық ойыншы шабуылда серіктестеріне де бірнеше мүмкіндік жасап, 3 шешуші пас берді. Оның күтілетін ассист көрсеткіші (xA) 0,39-ға тең болды. Сондай-ақ, соңғы үштен бір аймаққа бағытталған 14 пастың 8-ін дәл орындап, бір қауіпті шабуыл ұйымдастырды.
Жалпы Сәтпаев 30 пастың 23-ін дәл жеткізді. Пас дәлдігі – 77%. Футболшы 11 тартыстың 4-інде жеңіске жетіп, 2 рет допты қағып алды және 3 рет допты өз командасының бақылауына қайтарды.
Осылайша, командасы ірі есеппен жеңілгенімен, Сәтпаев алғашқы толық матчында "Бернлидің" ең жоғары бағаланған ойыншысы атанды.
"Бернли" келесі кездесуін 3 қыркүйектен 4 қыркүйекке қараған түні өз алаңында "Мидлсброго" қарсы өткізеді.
