Ойынның 11-минутында “сары-қаралардың” қақпашысы Темірлан Анарбеков допқа шығу кезінде қарсылас ойыншысымен қақтығысып, ойынды жалғастыра алмады. Қақпашыны алаңнан зембілмен алып шықты. Оның орнына қақпада Шерхан Қалмұрза тұрды.
Матчтағы жалғыз әрі жеңіс голы 52-минутта соғылды. 17 жастағы алматылық шабуылшы Дастан Сәтпаев Еркін Тапаловтың дәл пасынан кейін допты бір соққымен қонақтар қақпасына бағыттап, мүлт кеткен жоқ.
Бұл жеңіс “Қайратқа” ҚПЛ турнир кестесінде 49 ұпаймен бірінші орынға шығуға мүмкіндік берді. Олар 46 ұпайы бар “Астананы” басып озды. Дегенмен, елордалық клубтың бір ойыны бар. Бүгін, 14 қыркүйек, олар семейлік “Елімайға” қарсы алаңға шықты. Ойын нәтижесі матч аяқталған соң жарияланады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
