Бүгін еркін күрестен Токионың боз кілеміне шыққан қазақстандық Дәулет Ниязбеков Токио Олимпиадасындағы алғашқы жекпе-жегінде жеңіске жетті. Ол 65 келіге дейінгі салмақ дәрежесінде 1/8 финалда кубалық Алехандро Вальдеспен кездесті. Алехандро 11:3 есебімен көш бастап тұрған. Бірақ Ниязбеков жеңісті жұлып әкетті. Қорытынды есеп 21:11. Айта кетейік, Ниязбеков Азия чемпионатының жеңімпазы және қола жүлдегері.
Еркін күрестен 97 келіге дейінгі салмақта өнер көрсететін қазақстандық Әлішер Ерғали Токиодағы Олимпиада ойындарының ширек финалына жекпе-жексіз шықты. Өйткені оның қарсыласы алжирлік Мұхаммед Фардж кілемге шықпады. Алайда Әлішер ширек финалда түрік Сүлейман Караденизден ұтылды. Жекпе-жек 7-8 есебімен аяқталды.
Ал әйелдер арасында еркін күрестен Валентина Исламова 50 келіге дейінгі салмақта сынға түсіп, қарсыласына есе жіберді. 1/8 финалда ол эквадорлық Люсия Епес Гузманнан 6:9 есебімен жеңілді. Дегенмен, жекпе-жек барысында отандасымыз бірнеше рет есепте алға шықты. Бірақ бұл жеңіске жету үшін аздық етті. Осылайша Валентина Исламова үшін Токио Олимпидасы аяқталды.
Сонымен қатар Токиодағы Олимпиадсында ескек есу мен каноэде ерлер мен әйелдер арасындағы жарыстар жалғасуда. Ерлер арасында 1000 метр қашықтықта каноэде Қазақстан намысын Сергей Емельянов қорғады. Ол 4: 16.039 көрсеткішімен, бесінші болып жарысты аяқтады. Бұл нәтиже оған жартылай финалға шығуға мүмкіндік бермеді. Сайыста екі үздік нәтиже көрсеткен спортшылар финалға өтті. Нәтижесінде Емельянов тек ширек финалда өнер көрсететін болды.
Бұған дейін каноэде қазақстандық спортшылардан әйелдер арасында 500 метр қашықтықта жұптық сында Маргарита Торлопова мен Светлана Усова да жартылай финалға шыға алмаған еді.
Аталған спортшылардан бөлек, бүгін тағы бірнеше қазақстандық спортшы сайысқа түсетін болады.
11:54 Заманауи бессайыс. Жүзу - Елена Потапенко
13:30 Жеңіл атлетика. Спорттық жүріс. 20 шақырым. Финал. - Айман Ратова
14:10 (шамамен) Каратэ. 75 келі. Топтық кезең. Нұрқанат Әжіханов - Цунэари Яхиро (1-қарсыласы)
Нұрқанат Әжіханов - Ноа Битч (2-қарсыласы)
Нұрқанат Әжіханов - Луиджи Буса (3-қарсыласы)
Нұрқанат Әжіханов - Рафаэль Агаев (4-қарсыласы)
16:35 (шамамен) Еркін күрес. 75 келі. Үшінші орын үшін - Данияр Қайсанов - Бекзод Абдурахмонов
Ермұхамед Мәулен
