Аталмыш бәсекеде Тимофей Скатов пен Кристиан Гарме бірінші болып кортқа шықты. Бұл Тимофейдің Қазақстан құрамасы сапындағы алғашқы ойыны болатын. Бірінші партияда қазақстандық теннисші 3:0 есебімен алға кетті. Чилилік спортшы қайыра брейк жасағанымен, Тимофейді тоқтата алмады. Есеп – 6:1, Скатовтың пайдасында. Екінші сетті де қазақстандық спортшы тамаша бастады – 4:0. Бұдан кейін Гарин есепті қысқартқанымен, Скатов қайтадан 5:2-ге жеткізді. Содан кейін матчқа доп бергенде, өз мүмкіндігін жіберген жоқ – 6:3. Бір сағат 38 минутқа созылған ойында Скатов 10 брейк-пойнттың алтауын пайдаланды. Осылайша, Қазақстан алға шықты – 1:0.
Бастапқы кездесуде Тимофей Скатов қарсыласын жеңгеннен кейін, кезек Қазақстанның бірінші ракеткасы Александр Бубликке келді. Николас Харри бірінші партияда бірден брейк жасап, алға шықты. Тағы бір брейк – 5:2, содан кейін сетті сәтті бітірді – 6:2.
Екінші сетте чилилік теннисші брейкпен бастағанымен, қазақстандық спортшы сол бойда таразы басын теңестірді – 2:2. Алайда қайтадан өз геймдерін беріп қойды – 2:5. Харри матчқа доп бергенде, қателескен жоқ – 6:2.
Кездесу бір сағаттан сәл астам уақытқа созылды. Осылайша, Қазақстан – Чили матчында таразы басы теңесті. Есеп – 1:1.
Жексенбі күнге үш ойын белгіленген. Бірінші болып кортқа Андрей Голубев пен Александр Недовесов, Томас Бариош/Алехандро Табило қарсы ойнайды. Сосын, Александр Бублик Кристиан Гаринмен соңғы ойында Тимофей Скатов Николас Джарримен шайқасады.
