Димаштың алғашқы альбомы 37 секундта 1 миллион рет жүктелді

23028

Альбомның платиналы альбом атануына 1 минутқа жетер-жетпес уақыт қажет болды.

Димаштың алғашқы альбомы 37 секундта 1 миллион рет жүктелді

Бұл туралы Димаш Құдайберген Instagram-дағы ресми парақшасына жазды.

"Альбом 37 секундтың ішінде платиналы альбомға айналды. Бір сағаттың ішінде үш рет платиналы альбом атанды. Шексіз бақыттымын. Мені қолдаған тыңдармандарыма зор алғысымды білдіремін. Менің жеңісім – Сіздердің арқаларыңыз", – деп жазды ол.

Платиналы альбом дегеніміз не? Бұл – музыкалық өнімнің танымалдылығына берілетін баға. Мұндай стандартты Американың дыбыс жазу компаниялары қауымдастығы енгізген. Яғни музыкалық өнімнің сатылымы немесе жүктелімі 1 миллионнан 5 миллионға дейін жететін болса платиналы альбом деп аталады.

Еске сала кетейік, Димаш Құдайберген 29 маусымда ел астанасында "Arnau" атты жеке концертін өткізеді. Концерт "Астана арена" стадионында ұйымдастырылады. Шара 4-5 бөлімнен тұрады деп күтілуде. Бұл күні Димаштың орындауында қазақтың халық әндері, отандық және шетелдік композиторлардың туындылары шырқалады. Димаш авторлық әндерін де көпшілікке ұсынбақ.

Сондай-ақ осы жылдың күзінде Нью-Йорк қаласындағы әйгілі Madison Square Garden кешенінде Димаштың шоу-концерті ұйымдастырылатыны белгілі болды. Бүгінде еліміздің мәдениет және спорт министрлігі ауқымды шараға дайындық үстінде.