Эдуард Ким Парижде өтіп жатқан көркем жүзу бойынша Әлем кубогында екінші орынға ие болды.
Қазақстандық спортшы техникалық бағдарламада 213,8167 ұпай жинап, күміс жүлдегер атанды.
Жарыста британдық Ранжу Томблин жеңіске жетті – 214,3966 ұпай. Үздік үштікті испаниялық Жорди Иглесиас түйіндеді – 213,5992 ұпай.
Бүгін, 1 наурыз күні спортшылар еркін бағдарламада жүлделі орындар үшін таласады. Бұл жарысқа 22 елден 167 спортшы қатысуда.
Айта кетейік, 2024 жылы Эдуард Ким Наргиза Болатовамен бірге аралас жұптар арасындағы (техникалық бағдарлама) әлем чемпионатының жеңімпазы атанған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
