Ташкентте өтіп жатқан әлем чемпионатында бүгін қазақстандық боксшы Санжар Тәшкенбай шаршы алаңға шықты. 48 келіге дейінгі салмақта 1/8 финалда Ташкенбай ринг қожайыны Шодиер Меликузиевпен кездесті. Бірінші және екінші кезеңде қазақстандық басым түсті. Төрешілердің шешімімен Санжар үш раундтың қорытындысы бойынша 4:1 есебімен жеңіске жетті. Естеріңізге сала кетейік, Санжар Тәшкенбай жастар арасындағы әлем чемпионы және 2022 жылғы Азия чемпионы. 54 келіге дейінгі салмақта 1/8 финалда қазақстандық Үндістан өкілі Сачин Сачинмен кездеседі.
Сонымен қатар Ташкентте бокстан өтіп жатқан әлем чемпионатын қазақстандық Махмұд Сабырхан да жеңіспен бастады. 54 келіге дейінгі салмақ дәрежесінде 1/16 финал кезеңінде қазақстандыққа венгриялық Иштван Шака қарсы шықты. Үш раундтың қорытындысы бойынша төрешілер бірауыздан жеңісті Сабырханға берді.
7-мамырда Қазақстан құрамасынан төрт боксшы шаршы алаңға шықты. Оның ішінде Сәкен Бибосынов (51 келіге дейін) алғашқы жекпе-жегінде сенсациялық жеңіліске ұшырап, әлем чемпионатын мерзімінен бұрын аяқтады. Ал Қамшыбек Коңқабаев ширек финалға жолдама алды. 92 келіден жоғары салмақ дәрежесінде 1/8 финалда Коңқабаев сириялық Мохаммед Млайесті сенімді түрде жеңді. Сондай-ақ Серік Теміржанов (57 келіге дейін) пен Нұрқанат Райыс (75 келіге дейін) жеңіске жетті.
