Калгари қаласында конькимен жүгіру спортының тағы бір кезеңі аяқталды, деп хабарлайды inbusiness.kz сайты.
Аталған жарыста қазақстандық спортшылар әйелдер арасындағы эстафетада қола медальға қол жеткізді. Ел құрамасы сапында Кристина Силаева, Дарья Важенина және Надежда Морозовалар болды.
Конькимен жүгіруден Әлем кубогының үшінші кезеңі 24 қаңтарда Канаданың Калгари қаласында басталған еді.
Спортты дамыту дирекциясының баспасөз қызметі қазақстандық Кристина Силаева, Дарья Важенина және Надежда Морозова үштігі жарыс қашықтығын 1:26.36 секундта еңсергенін хабарлады. Осылайша, жерлестеріміз Қазақстан қоржынына қола медаль салып отыр.
Алтын жүлдеге 1:24.90 уақытымен Канада лайық болса, күміс медаль польшалық (1:25.02) спортшылар ие болды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
