Ташкентте (Өзбекстан) өтіп жатқан бокстан 2023 жылғы әлем чемпионатының финалдық жекпе-жегінде қазақ дербиі өтті.
80 келі салмақтағы шешуші кездесуде Қазақстан құрамасының өкілі Нұрбек Оралбай Қытай атынан шыққан этникалық қазақ Тоқтарбек Таңатханмен кездесті. Төрешілердің шешімімен қазақстандық жеңіске жетті – 4:1.
Бұл Қазақстан құрамасы үшін 2023 жылғы әлем чемпионатындағы төртінші алтын болды. Бұған дейін Асланбек Шымбергенов (71 келі), Махмұд Сабырхан (54 келі) және Санжар Тәшкенбай (48 келі) әлем чемпионы атанған болатын. Дулат Бекбауов та күміс (67 келі) иеленді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
