Елена Рыбакина АҚШ ашық чемпионатының 1/8 финалына шықты

243

Әйелдер арасындағы турнирдің жүлде қоры 41,6 миллион долларды құрайды.

Елена Рыбакина АҚШ ашық чемпионатының 1/8 финалына шықты Фото: vesti.kz

Елена Рыбакина небәрі 1 сағат 3 минутта Эмма Радукануды ойсырата жеңіп, US Open турнирінің 1/8 финалына жолдама алды.

Нью-Йорктегі үшінші матчында қазақстандық теннисші (WTA №10) 2021 жылғы US Open чемпионы әрі әлемнің 36-ракеткасын 6:1, 6:2 есебімен тас-талқан етті.

Елена доп бергенде үстемдік құрып, артқы сызықтан тамаша ойнады және Радукануға бірде-бір брейк-пойнт жасауға мүмкіндік бермеді.

Келесі қарсыласы – Жасмин Паолини мен Маркета Вондроушова арасындағы кездесудің жеңімпазы.

Матч жексенбіде өтеді. Ал сенбі күні үшінші айналымдағы ойынын Александр Бублик өткізеді. Жұптық сайыста Анна Данилина да өнер көрсетуді жалғастырып жатыр.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу