Екі теннисші арасындағы кездесу 1 сағат 42 минутқа созылды. Елена жеті эйс жасап, екі мәрте қателік жіберді. Қазіргі таңда ол Әлемдік рейтингте 19-орыннан 17-орынға көтерілді. Ал, оның қарсыласы Соран Кырстя WTA рейтингінде 72-орында тұр. Бұған дейін теннисшілер ешқашан өзара кездескен емес.
Енді Қазақстанның үздік теннисшісі 2-айналымда 25 жасар бельгиялық Элисон Ван Эйтванкқа қарсы өнер көрсетеді. Бельгия спортшысы Әлемнің 62-ракеткасы. Ол осы турнирдің алғашқы кезеңінде Словения өкілі Полон Херцогты 6:2, 6:2 есебімен ұтқан болатын.
Сонымен қатар, Дохада өтіп жатқан теннис турнирінің екінші айналымына тағы бір қазақстандық теннисші Юлия Путинцева да шықты. Ол венгрялық Тимея Бабошты 6:3, 6:4 есебімен ұтты. Келесі ойында Юлия Әлемнің 23-ракеткасы Бельгия теннисшісі Элиза Мертенспен кездеседі.
Естеріңізге сала кетсек, Дохадағы теннис турнирінің жүлде қоры 2,9 миллион долларды құрайды.
Ермұхамед Мәулен
