Жүлде қоры 3,6 миллион доллардан асатын Дубайда өтіп жатқан WTA 1000 турнирінде әлемдік рейтингіде 7-орында тұрған қазақстандық теннисші Елена Рыбакина ширек финалға шықты.
Dubai Duty Free Tennis Championships турнирінің үшінші айналымында Елена испаниялық теннисші Паула Бадосамен кездесті.
Бірінші сетте Елена 3:0 есебімен алға шыққанымен, 4:6 есебімен есе жіберді. Екінші сетте қазақстандық теннисші мықтырақ болып шықты (10:8). Үшінші сетте ойын тағдыры тай-брейкте (6:6) шешіліп, Рыбакина тағы да шеберлік танытты (7:2).
Осылайша, Елена ширек финалға жолдама алып, жеке кездесулердегі есеп 4-4 болды. Теннисшілер кортта 2 сағат 51 минут өткізді.
Рыбакинаның Дубайдағы келесі қарсыласы турнирдің қазіргі чемпионы италиялық Ясмин Паолиниді (No4) 6:4, 6:0 есебімен жеңген америкалық София Кенин болмақ.
