Канадада өтіп жатқан WTA 1000 санатындағы турнирдің ширек финалында Қазақстанның бірінші ракеткасы Елена Рыбакина украиналық Марта Костюкты (№28 WTA) екі сетте жеңді – 6:1, 6:2.
Кездесу небәрі 53 минутқа созылды. Ал екінші сет 17 минутта аяқталды. Костюк есеп 2:6 болғанда матчты жалғастырудан бас тартты. Ойын барысында Рыбакина қарсыласынан әлдеқайда сенімді көрінді. Ол небәрі 1 қос қателік жіберсе, Костюк 3 рет қателесті. Қазақстандық теннисші 10 брейк-пойнттың 3-еуін пайдаланды. Ал Костюк өз мүмкіндігін мүлт жіберді (0/1).
Жартылай финалда Рыбакина 18 жасар Канада өкілі Виктория Мбокомен (WTA №85) кездеседі. Ол күтпеген жерден испаниялық Джессика Манейроны (№51 WTA) жарыстан шығарып жіберді. Матч 7 тамызда өтеді.
National Bank Open Presented by Rogers WTA 1000 турнирі – әйелдер арасындағы ең ірі жарыстардың бірі. Биылғы жылы Монреальдағы турнирдің жүлде қоры 5 152 599 АҚШ долларын құрады. Бұл Рыбакина үшін ірі титулға қол жеткізіп, бағалы рейтингтік ұпайлар алу үшін тағы бір үлкен мүмкіндік.
