Әлемдік рейтингте көш бастап тұрған және жарыста бірінші нөмірмен тіркелген қазақстандық теннисші финалда әлемнің 30-ракеткасы, канадалық Лейла Фернандеспен кездесті, деп хабарлайды inbusiness.kz сайты.
Шешуші матчта Рыбакина қарсыласынан айқын басым түсіп, екі сетте 6:2, 6:2 есебімен жеңіске жетті.
Кездесу 1 сағат 17 минутқа созылды. Осы уақыт ішінде қазақстандық теннисші үш эйс жасап, екі қос қателік жіберді және бес брейк-пойнттың төртеуін сәтті пайдаланды. Рыбакина матчтың басынан бастап ойын тізгінін өз қолына алып, қарсыласының доп беру геймдерінде белсенді әрекет етті. Екі партияда да сенімді ойын көрсеткен Елена Фернандеске есепті теңестіруге мүмкіндік бермеді.
Осылайша, Елена Рыбакина Нинбодағы WTA 500 турнирінде екінші жыл қатарынан чемпион атанып, былтырғы жетістігін қайталады.
