Қазақстандық теннисші Елена Рыбакина Парижде өтіп жатқан "Ролан Гаррос" турнирінің ширек финалына шықты. 1/8 финалда украиналық Элина Свитолинадан айласын асырды, деп хабарлайды Inbusiness.kz сайты.
1 сағат 11 минутқа созылған ойында Елена 6:4 және 6:3 есебімен жеңіске жетті.
Қарсыластар осыған дейін үш рет кездесіп, соның екеуінде украиналық теннисші басым түскен еді. Соның ішінде Токио олимпиадасында қола жүлде үшін бәсекеде Свитолинаның бағы жанған-ды. Көп ұзамай басталатын Париж олимпиадасында да қос теннисші өз елдерінің намысын қорғауы тиіс.
Ширек финалда қазақстандық теннисші Элина Аванесян мен Ясмин Паолини арасындағы кездесудің жеңімпазымен жолығады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
