OptaAce сайты хабарлағандай, қазақстандық теннисші осы кезеңде WTA жарыстарында барлығы 41 матчты жеңіспен аяқтаған.
Осы көрсеткіш бойынша Рыбакина басқалардан алда келеді.
Әлемнің 2-ші ракеткасы, Польша өкілі Ига Швентек, рейтингіде 5-орындағы америкалық Джессика Пегула, сондай-ақ канадалық Виктория Мбоко мен румыниялық Сорана Кырстя әрқайсысы 31 жеңіске ие.
Бүгін түнде Елена Рыбакина әлемнің 43-ракеткасы, америкалық Хейли Баптисті 7:6 (7:5), 2:6, 6:2 есебімен жеңіп, Индиан-Уэллс мастерс турнирінің үшінші айналымына жолдама алды. Қазірдің өзінде ол осы жарыстан 61 865 АҚШ доллары көлемінде табыс тауып, 65 рейтингілік ұпайға ие болды. Алайда өткен жылғы ұпайларын қорғау үшін кемінде төртінші айналымға дейін жетуі қажет.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
