Қазақстанның бірінші, әлемнің 16-ракеткасы Елена Рыбакина жұптық сында Индиан-Уэллс WTA 1000 турнирінің финалына шықты, деп хабарлайды ҚТФ баспасөз қызметі.
Е.Рыбакина ресейлік Вероника Кудерметовамен бірге жартылай финалда украиналық Людмила Киченок – латвиялық Елена Остапенкомен кездесті. Қазақстандық-ресейлік жұп 6:4, 6:3 есебімен жеңіске жетті. Бәсеке 1 сағат 15 минутқа созылды. Матч барысында Рыбакина мен Кудерметова 3 эйс жасап, 14 брейк-пойнттың алтауын пайдаланды. Қарсыластары 8 брейк-пойнттың үшеуін өз есептеріне жазды.
Тағы бір финалдық сайыста турнирдің екінші нөмірлі дуэті Шувэй Се (Тайвань) / Элиза Мертенс (Бельгия) BNP PARIBAS OPEN турнирінде үшінші нөмірмен өнер көрсеткен жапондықтар Шуко Аояма мен Энау Шибахаруды екі сетте де, 6: 2, 6:0 есебімен жеңді. Естеріңізге сал кетейік, қазақстандық-ресейлік дуэт биыл жұптық сайыста Уимблдон турнирінің жеңімпазы атанған болатын.
Рыбакина мен Кудерметова сенбіден жексенбіге қараған түні финалда доданың екінші ракеткалары, тайваньдық Се Шувэй – бельгиялық Элиза Мертенс жұбымен бас жүлдені сарапқа салады. Қазақстандық теннисші жұптық сында осындай деңгейдегі жарыста алғаш рет финалға шығып отыр.
Ермұхамед Мәулен
