/img/tv.svg
RU KZ
Hang Seng 28 025,19 FTSE 100 7 610,70 KASE 2 345,57 РТС 1 634,32 DOW J 29 335,30 Мыс 6 160,84
Ауа райы:
-7Нур-Султан
-5Алматы
Hang Seng 28 025,19 FTSE 100 7 610,70
KASE 2 345,57 РТС 1 634,32
DOW J 29 335,30 Мыс 6 160,84
Елеусінов салмақ өлшеді

Елеусінов салмақ өлшеді

Данияр Елеусінов ертең болатын кездесуі алдында салмақ өлшеу рәсімінен өтті. 

13 Қыркүйек 2019 00:39 1952

Елеусінов салмақ өлшеді

Олимпиада чемпионы Данияр Елеусінов кезекті бокс кешіне шығады. 7 кездесуде жеңіліс таппаған отандасымыз 12 кездесуде жеңіліп көрмеген Решард Хикс деген боксшымен жұдырықтасады. Боксшылар салмақ өлшеу рәсімінен өтіп, Данияр қарсыласынан 181 граммға ауырлау болып шықты. Ал қос спортшының жалпы салмағы 66 келі. 

10 раундтық тәртіп бойынша өтетін бұл кездесу Даниярға қиын болары анық. Қарсыласы америкалық мамандардың мақтауын естіп жүрген былғары қолғап шебері. Кездесу Нью-Йорктегі «Мәдиссон Скуер Гарден» кешенінде өтеді. Елеусінов - Хикс кездесуі Заур Абдуллаев пен Дэвин Хэйни арасындағы басты шоудың андеркардына кіреді. Даниярдың бокс кеші 14 күні таңертең болады және оны «Хабар» агенттігі тікелей эфирде көрсетпек. 

Ермұхамед Мәулен

inbusiness.kz-ті қараңыз, оқыңыз :

Үшінші кездесу өте ме?

Геннадий Головкин мен Сауль Альварес арасындағы соңғы, шешуші, үшінші кездесуі өтуі тиіс. 

26 Желтоқсан 2019 11:12 1189

Үшінші кездесу өте ме?

Американың boxing247.com сайтының журналисі, бокс шолушысы Джеймс Слэйтер 2020 жылы өтуі тиіс кездесулерге тоқталып өтіпті. Ол өз мақаласында Сауль Алварес пен Геннадий Головкиннің арасында соңғы кездесу өтуі тиіс деп айтыпты. "Алғашқы екі кездесу нақты жауап бере алмады. Алғашқысы тең аяқталды, екіншісінде Альварес жеңіске жетті. Алайда, екі кездесудің де нәтижесі дау тудырды. Бұл екі алыптың арасында кім мықты? Сауль ме, жоқ әлде Геннадий ме? Оған ешкім де нақты жауап бере алмады. Сондықтан да бұл екі боксшы тағы бір үшінші кездесу өткізуі тиіс" деп өз ойын білдіріпті шолушы. 

Боксшылардың қазіргі салмағы әртүрлі. Дегенімен 160 фунт салмағына Сауль Алварес түсуі мүмкін. Мексикалық былғары қолғап шебері осы бір даулы кездесулердің соңына нүкте қойғысы келеді. Ал Геннадий Головкин үшін бұл спорттық ғұмырындағы соңғы бокс кеші болуы ықтимал. Егер осы кездесу өтіп, ол жерде Геннадий Головкин жеңіске жетсе онда қазақстандық кәсіпқой боксшы тағы бір атышулы кездесу өткізіп қалуы да ғажап емес. Алайда, екі боксшы кездескен күннің өзінде басты фаворит мексикалық Альварес болары анық. 

Ермұхамед Мәулен

Өмір үшін жұдырықтасқан балалар

Әлемде алғаш рет мүмкіндігі шектеулі балалар арасында бокстан жарыс өтті. 

06 Қазан 2019 21:25 1144

Өмір үшін жұдырықтасқан балалар

Бүгін Нұр-Сұлтан қаласында «Али ФОК» мүмкіндігі шектеулі балаларға арналған спорт орталығында денсаулығында кінараты бар балалар арасында бокстан турнир өтті. Балалардың көпшілігі аяғынан нық басып жүре алмаса да, рингке шығып атой салуға құмарлығымен жиналған жұртшылықты тәнті етті. Кейбір жұп тізерлеп тұрып та жұдырықтасты. Рингке көтерілген жеті жұптың арасында қыз балалар да болды.

Балғын спортшыларды қолдау үшін турнирге әлем және Олимпиада чемпиондары, басқа да жекпе-жек түрлерінің майталмандары келіп төрешілік жасады. Даңқты боксшы Болат Жұмаділов «Бөгенбай батыр» лақап атымен шыққан жас парабоксшының аяқпен жақсы жұмыс істейтіндігін айтып арқасынан қақты.

«Менің ойымша осындай шараларды өткізген дұрыс. Мүмкіндігі шектеулі балалар спортшының, боксшының сезінетін сәттерін басынан өткереді. Өмір өтіп жатыр, олар шеттеп қалмауы керек. Аллаға шүкір, осындай кездерде балалар аздап болса да күш-қуат алады. Адамның денсаулығы көңіл-күйіне байланысты. Көңіл-күйі көтеріңкі болса, денсаулығы да жақсы болады»,- деді әлем чемпионы Болат Жұмаділов.

«Томирис» лақап атымен рингке көтерілген кішкене қыз қимыл-қозғалысының  ширақтығымен, соққыларының мығымдығымен жанкүйерлердің айырықша қошеметіне бөленді. Ұл балаға қарсы шыққан «Томирис» бір қадам артқа баспай, қарсыласын бірнеше мәрте шаршы алаңның бұрышына қамап қойып, соққының астына алуға әрекеттенді.
Қазақстан ММА Федерациясының құрылтайшысы, Be Strong Promotion президенті Анатолий Ким балалардың милық салдануы (БМС) дертіне ұшыраған бүлдіршіндерді спортқа баулуды қолдайтынын айтты. 

«Әлемдегі бірде-бір елде БМС-ке шалдыққан балалардың жекпе-жек түрлерімен жүйелі айналысқанын көрген емеспін. Балалардың ақыл-есі жақсы, бәрін дұрыс қабылдайды. Тек физиологиялық тұрғыда қиыншылықтары бар. Кейде денесі бағынбайтындықтан, ойына алған істің бәрін орындай алмайды. Жекпе-жекпен айналысу бұлшық етті нығайтып, денесін бағындыруға көмектеседі. Ойлау қабілетін де жетілдіреді. Бүгінгі жекпе-жектерде әрқайсысының ұрыста қолданған тактикалық тәсілдерін, стратегияларын байқадым. Ұландар жасының кішілігіне, денсаулық мәселелеріне қарамай ұрыстарына кәсіби спортшылар тәрізді шын ынта-ықыласымен әзірленген. Қазіргі жаттығып жүрген балаларда ілгерілеудің бар екенін ата-аналары да, бізде байқаудамыз. Балалармен және олардың жаттықтырушысы Байымбетов Садықпен алғаш танысқан кезімде қатты әсер алдым. Олар мені ешқашан мойымауға, қиыншылықтарды жеңуге, спортпен айналысуға ынталандырып, жігерлендіруде. Ауыр дертке шалдыққан бүлдіршіндер өмір сүрудің қиын жағдайында, әу, бастан-ақ қалып отыр. Соған қарамастан олар жетістікке жетуге болатындығын дәлелдеуде.  Бұл балалар ММА сарбаздарының «Күшті бол!» деген ұранын іс жүзінде көрсетіп отыр. Садықтың спортшы балалары кейде біздің турнирлерімізге келеді, бүгін біз оларға келіп отырмыз. Қазақстаннан шыққан UFC-дегі алғашқы спортшымыз, ММА бойынша әлем чемпионы Шавқат Рахмонов та бүгін осында. Балаларға қонақ болып, шеберлік дәрісін берді. Қолымыздан келгенше көмек көрсетіп жатырмыз. Мемлекет тарапынан, меценаттар, демеушілер де оларға көбірек қолдау жасаса деген тілегім бар. Садықтың жаттығуларын ғылыми тұрғыда жетілдіріп, осындай дертпен күресуде тиімді әдіс ретінде пайдану қажет»,- деді Анатолий Ким.

Спорттық шараның ұйымдастырушысы Садық Байымбетов жарыстар жиі болып тұрса, балалар мен ата-аналар ынталанатынын айтты.

«Бұндай жарыс дүние жүзінде бірінші рет өткізіліп отыр. Мен өзім жаттықтырушымын, оңалтушымын. Әріптесім Айбар Сағитаев екеуіміз мүмкіндігі шектеулі балаларды аптасына үш рет жаттықтырамыз. Олар спорттың бес түрімен айналысады. Жаттығулар ерекшелігі бар балалардың қимыл-қозғалыс үйлесімділігін, есте сақтау қабілетін  жақсартады, бұлшық еттерін қатайтып, қайрат-жігер береді. Осындай турнирлерді Қазақстанның барлық өңірлерінде өткізсек дейміз. «Күн әлемі» атты қоғамдық қордың залында жаттығу жасаймыз. Қатысуы тегін. Ерікті түрде жұмыс істейміз. Әкімшілік кеңірек зал берсе, төңіректің балаларын да спортқа тартқымыз келеді»,- деді Садық Байымбетов.

«Күн әлемі» қоғамдық қорының құрылтайшысы Марина Федорова жаттығуға балалар ықыласпен келетіндігін айтып, залдың тарлық етіп жүргенін жеткізді. «Спорт залына келуші мүмкіндігі шектеулі балалар саны артып келеді. Қазір зал таршылық етіп тұр. Қоғамдық қорының атынан осындай тамаша бастаманы қолдауға шақырамын»,- деді қоғам белсендісі.
Шараны қолдауға келген әйгілі боксшы Бақтияр Артаев балалардың болашақта Олимпиада чемпионы болуына тілектестігін білдірді. 

«Бұндай турнирлердің өтуі балалардың бұлшық еттерін шынықтырып, аяққа тұрғанынан бөлек, спорт арқылы алға ұмтылуына себепші болады. Олардың болашақта Олимпиада чемпионы болуына мүмкіндіктері бар. Балалық шақта спорттық негізі қаланып, өздерін шынықтырып, баптайды. Кейіннен кәсіби спортпен де айналысуларына болады»,- деді Олимпиада чемпионы.

Нұржан Көшкін

inbusiness.kz-ті қараңыз, оқыңыз :

Жаңалықтарға жазылу: