2026 жылғы 7 наурыздағы жағдай бойынша өңірдегі жағдайдың шиеленісуі басталғаннан бері Қазақстанға 27 рейс орындалып, 4 659 жолаушы елге жеткізілді.
2026 жылғы 5 және 6 наурыз күндері 4 әуе компаниясы 15 рейс орындап, 2 549 жолаушыны тасымалдады.
– Air Astana әуе компаниясы Джидда – Атырау – Алматы бағыты бойынша 3 рейс орындады. SCAT әуе компаниясы Маскат – Алматы бағыты бойынша 1 рейс орындады. FlyDubai әуе компаниясы Дубай – Алматы бағыты бойынша 5 рейс және Дубай – Астана бағыты бойынша 2 рейс орындады, – делінген хабарламада.
Сондай-ақ, Air Arabia әуе компаниясы Шарджа – Алматы бағыты бойынша 4 рейс орындады.
Қазақстан азаматтарын елге қайтару жұмыстары өңірдегі қазіргі жағдайды ескере отырып жалғасып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
