Бала құқықтары жөніндегі уәкіл Динара Зәкиева ата-аналарға 12 жасқа дейінгі балаларын үйде жалғыз қалдыруға заңмен тыйым салуды ұсынды, деп хабарлайды inbusiness.kz сайты.
Балалар омбудсмені Ақмола облысында өрттен екі баланың қаза табуына байланысты пікір білдірді. Оның дерегінше, 2024 жылдың басынан бастап елімізде балалар қаза тапқан 15 өрт дерегі болған, бұл оқиғалардың денінде балалар үйде жалғыз қалған.
"Осы деректерді талдай келе, 12 жасқа толмаған балаларды кәмелетке толған адамдардың қарауынсыз қалдыруға тыйым салу жөніндегі заңнамалық шараларды пысықтау қажет деп санаймын. Әрине, қолдауға мұқтаж отбасылар мемлекет тарапынан көзделген көмек бағдарламаларымен қамтамасыз етілгені маңызды", – деді Динара Закиева.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
