Оның № 3 облыстық перинаталдық орталықта ашылуы Қазақстанда Алматыдан кейін екінші болды және бірнеше серіктестердің: Ernst & Young, PTC Holding, DSF қолдауымен, сондай-ақ St. Regis Astana, Ritz Carlton Astana, Ritz Carlton Almaty және Sheraton Astana қонақ үйлерінде "You eat - we give" қайырымдылық бастамасы аясында қаражат жинау арқасында AYALA қайырымдылық қоры іске асырды, деп хабарлайды inbusiness.kz сайты.
Тоңазытқыш жабдықты Samsung Electronics компаниясы ұсынды. Емшек емізу саласындағы танымал сарапшы Philips Avent бренді жобаға стерилизаторлар, жылытқыштар, сүт сорғыштар, бөтелкелер, сондай-ақ сүт сақтауға арналған пакеттер мен контейнерлерді сыйға тартты.
Жоба анадан жеке сүт алуға және әрбір шала туған нәрестені тек өз анасының ғана сүтімен қамтамасыз етуге мүмкіндік береді. Серіктестердің қолдауының арқасында Түркістан қаласының перинаталдық орталығында толық жабдықталған және ыңғайлы сүзу бөлмесі құрылды: клиникалық сүт сорғыштар, ыңғайлы креслолар, медициналық жиһаз, мұздатқыш камера және басқа да қажетті керек-жарақтар - балаларды ең құнды тамақпен қамтамасыз ету үшін қажетті нәрсенің бәрі бар. Бюджет қаражаты есебінен жөндеу жұмыстары жүргізілді.
"Түркістан облысы бірнеше жылдан бері халықтың өсімі бойынша көшбасшы болып келеді. Өткен жылы біздің облыста 60 мыңнан астам бала дүниеге келді, оның 10 мыңы біздің орталықта дүниеге келді. Біз екі қалаға: Түркістан және Кентауға, сондай-ақ жалпы халық саны 545 мың адам болатын Созақ, Отырар, Сауран аудандарына қызмет көрсетеміз. Салмағы өте төмен балаларды табысты күтім жасаймыз. Биыл шала туған 824 баланың ішінен салмағы 500 граммнан 900 граммға дейінгі 32 бала құтқарылды. Бір жылда 207 сәби реанимациядан өтті. Стационар жағдайында баланың денсаулығына байланысты емшек сүтінде бола алмайтын жағдайда, емшек сүтінің жеке банкі әрбір баланы өз анасының сүтімен қамтамасыз етуімізге көмектеседі. Бұл иммунитет және өмір сүру мүмкіндіктерін арттыру үшін өте маңызды. Осы көмек үшін AYALA қорына және барлық серіктестерге алғысымды білдіремін", – деп атап өтті Түркістан облысының № 3 облыстық перинаталдық орталығының басшысы Ардақ Керімханұлы Аязбеков.
Емшек сүтін ДДҰ жаңа туған нәрестелер үшін оңтайлы тамақтану деп таныды: онда баланың өсуіне, дамуына және орнықты иммунитетін қалыптастыруға қажетті қоректік заттар мен ферменттердің теңгерімді кешені бар. Оның бірегей құрамы нәрестелерді инфекциялардан қорғайды және ұзақ мерзімді денсаулықты нығайтуға ықпал етеді.
Биылғы жылдың сәуір айында AYALA қайырымдылық қоры ҚР Денсаулық сақтау министрлігінің бастамасын қолдау мақсатында Алматыда осындай жеке емшек сүті банкін ашты. Енді шала туған нәрестелер өмірінің алғашқы күндерінен бастап ең жақсы табиғи тамақтанатын өңірлердің қатарына Түркістан облысы да қосылды.
"Менің қорымның мақсаты - Қазақстанның жаңа туған балаларының өмірін сақтап қалуда мемлекетке көмек көрсету. Түркістан облысының № 3 облыстық перинаталдық орталығында дүниеге келген әрбір шала туған бала өз анасының сүтін ала алатынына қуаныштымын. Бұл жоба көптеген отбасыларға көптен күткен балалардың күлкісін өз үйінде естуге көмектесетініне сенімдімін", – деп атап өтті AYALA қайырымдылық қорының негізін қалаушы және президенті Айдан Сүлейменова.
