Қазақстанның Тұңғыш Президенті бұл маңызды қадам екенін атап өтті.
"1995 жылдан бері Қазақстан халқы Ассамблеясының басы-қасында жүрдім, оны басқардым. Біраз қиындықтарды еңсеріп, әлемдегі дағдарысты да көрдік. ҚХА мүшелеріне маған қолдау білдіргені үшін алғысымды айтамын", - деді Елбасы Қазақстан халқы Ассамблеясының XXIX cессиясында.
Нұрсұлтан Назарбаев ҚХА төрағасы қызметін Қасым-Жомарт Тоқаевқа беретінін мәлімдеді.
"ҚР Тұңғыш Президенті – Елбасы туралы" заңына сәйкес, мен ҚХА-ны өмір бойы басқара аламын... Бірақ ҚХА-ны басқару бойынша бірқатар өкілеттілік Президентте. ҚХА Мемлекет басшысының жанында болуы керек... Барлық мәселе бір жерде қаралу керек. Сондықтан ҚХА-ны басқару құқығын Президент Қасым-Жомарт Тоқаевқа беремін", - деп түйіндеді сөзін Қазақстанның Тұңғыш Президенті.
Дәурен Ерболат
