Еуропалық одақ пен Оңтүстік Америкадағы Меркосур елдері (Бразилия, Аргентина, Парагвай, Уругвай) ауқымды сауда келісіміне қол қойды. Бұл келісім ЕО тарихындағы ең ірі сауда құжаты болып саналады.
Еуропалық тараптан іс-шараға Еуропалық кеңестің төрағасы Антониу Кошта және Еуропалық комиссия төрайымы Урсула фон дер Ляйен қатысты. Урсула фон дер Ляйен келісімге байланысты: "Біз баж салығын емес, әділ сауданы, оқшаулану емес, ұзақ мерзімді серіктестікті таңдаймыз", – деді.
Келісімге қол қою келіссөздерінің басталуы 2000 жылға тиесілі және олар 25 жылға созылған. Жаңа сауда келісімі Еуропа мен Оңтүстік Америка елдері арасындағы сауда-экономикалық ынтымақтастықты кеңейтіп, әлемдік саудадағы маңызды өзгерістер кезеңінде қосымша мүмкіндіктер ашады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
