Нәтижесінде, Ерасыл Қажыбаев қарсыласын соңғы сәтте таза ұтып, турнир жеңімпазы атанды.
Ал қазақ күресінен ХІІІ республикалық "Қазақстан барысы" турнирінің 3-орын үшін белдесуінде Саят Шамшиев (Абай облысы) пен Әділ Оразбаев (Әскер барысы) шеберлік байқасты.
Абай облысының балуаны Саят Шамшиев басым түсіп, "Қазақстан барысы-2024" турнирінің 3-орын иегері атанды.
Аталған турнирдің жеңімпазына 15 млн теңге берілсе, 2-орын алған спортшы 3 млн 300 мың теңгеге иелік етеді. Ал 3-орынға қол жеткізген балуан 1 млн 80 мың теңге көлемінде сыйақы алады.
Сонымен қатар әр балуан әр белдесуде жеңіске жеткені үшін тағы 100 мың теңгеден алып отырады.
Жалпы "Қазақстан барысы-2024" республикалық турнирдің жүлде қоры – 27 млн 100 мың теңге.
Аталған турнирде жеңіске жеткен балуандардың бапкерлері де сыйақысыз қалмайды. 3 720 000 теңге спортшылардың жаттықтырушыларына беріледі.
