Қазақстан Республикасының Мемлекеттік кеңесшісі Ерлан Қариннің төрағалығымен этносаралық келісімді нығайтуға арналған кеңес өтті.
Жиында этносаралық қатынастарды дамыту, мемлекеттік аппараттың жұмысын жетілдіру, сондай-ақ жаңа қоғамдық этиканы қалыптастыру бағытында атқарылып жатқан шаралар талқыланды. Ерлан Қарин идеологиялық жұмысты үнемі жаңғыртып отыру, жауапкершілік пен өзара сыйластық мәдениетін дәріптеу – қоғамдық келісімді нығайтудың басты шарттарының бірі екенін атап өтті.
Кеңес қорытындысы бойынша мемлекеттік органдар мен өңір әкімдеріне қоғамдық-саяси тұрақтылықты қамтамасыз ету мақсатында күш-жігерді біріктіру жөнінде нақты тапсырмалар берілді.
Айта кетейік, бұған дейін Алматыда Қазақстан-Ресей екінші медиафорумы өткен болатын. Іс-шараға қос елдің жетекші медиақұрылымдары қатысты. Медиафорум аясында Ерлан Қарин мен Ресей Президенті Әкімшілігі басшысының орынбасары, Президенттің баспасөз хатшысы Дмитрий Песков құттықтау сөз сөйлеген еді.
