Мәжіліс алаңында палата спикері Ерлан Қошанов ресейлік сарапшылардың Қазақстанға қатысты сыни мәлімдемелеріне қатысты журналистердің сұрақтарына жауап берді, деп хабарлайды inbusiness.kz.
"Қазақстандықтар Путин мен Ресейді сынағаны үшін жазаланады, оның ішінде әртүрлі мерзімге сотталды. Неге біз Ресейге қарсы шыққан азаматтарымызды жазалаймыз, ал олар өз кезегінде ойларына келгенін айтады? Біз Ресейден қорқамыз ба әлде оларға тәуелдіміз бе", – деп сұрады БАҚ өкілдері палата спикерінен.
Сауалға жауап берген Ерлан Қошанов Қазақстанның Ресейден қорықпайтынын және оған тәуелді еместігін айтты.
"Біз тең құқылы тәуелсіз мемлекетпіз. Барлығы заңмен реттеледі. Екіншіден, Ресей азаматы болсын, басқа елдің азаматы болсын, шетелдіктердің Қазақстанға жасаған шабуылына Президент те, депутаттар да, Сыртқы істер министрлігі де жауап берді. Эфирде айтылған сөздер немесе журналистердің мәлімдемелері Ресей Федерациясының ресми ұстанымы емес. Бұл жеке адамдардың пікірі мен жауапкершілігі. Егер бұл әрекеттерде бізге қатысты заң бұзушылықтар болса, онда біздің Бас прокуратураға оларға талап жолдайды", – деп түйіндеді Қошанов.
